Cartlanna Clibe: Bubba Shakespeare

An ‘Conas atá tú’ Rap….

Seo chugaibh an rap is déanaí ó Bubba Shakespeare, rap bhard na nGael, agus GMC, a leathrapadóir.     Níl aon ghrá acu do Pheig bocht ach beidh siad i láthair ag an bpicnic leictreach ag tús na míosa seo chugainn.   Tháinig an físeán seo chugam óna leathnach ‘Facebook’.   An bhfuil Gaeilge níos deise ar sin ná ‘Aghaidhleabhar’?

Ní chosnóidh sé ach 99c ort cuidiú leo an amhrán Ghaeilge seo a chur ar bharr na gcairteacha Éireannacha.  Cuir téacs ‘Music 3595’ go dtí 57501 agus ba cheart go gcuideodh sin.  Ní mór dom a rá, áfach, gur thriail mé sin níos luaithe ar mo iphone agus ar mo fón phóca eile agus níl aon toradh go fóill.  Is féidir tuilleadh eolais a fháil ar an leathnach facebook atá acu….

Bubba Shakespeare….ag Oireachtas na Gaeilge

Seo an Samhradh – séasúr na n-athchraoltaí – mar sin ní ghabhfaidh mé leithscéal as é seo a roinnt libh arís. Nó bhí sé ar na buaicphointí ag an OIreachtas anuraidh i gCorcaigh.

Os rud é gur luaigh mé thíos é agus mé ag caint ar Des Bishop, seo chughaibh Bubba Shakespeare ag ‘rappáíl’ as Gaeilge. Rinné mé é a scannánú agus mé ag amharc ar Sheó Ronáin á chraoladh ar Raidió na Gaeltachta, beo ó lobaí an Rochestown Park Hotel i gCorcaigh.

Má tá aoinne eile amuigh ansin le saothar nua i nGaeilge agus fonn orthu nasc le h-aghaidh físeán a chur chugam, beidh fáilte roimis. Ná bíodh sé ró ghairsiúil. Suíomh don teaghlach é iGaeilge!