Na Rubber Bandits – níos fearr arís i nGaeilge!

Tá ardmholadh ag dul na ceithearnaigh úd ó Luimneach,na Rubber Bandits, fiú dá mbeinn im thost, mar gheall ar an leagan Ghaeilge atá éisithe acu den amhrán nua uatha, I Want To Fight Your Father.

Ní h-é go mbeadh ‘Ba mhaith liom bruíon le d’athair’ ar mo ghnath rogha cheoil – ach táim ag eirí ceanúil air de réir mar a éistim leis! Agus an rud is annamh is íontach, físeán leis an amhrán i nGaeilge. Ó thaobh na Gaeilge de i mbliana, is iad Na Rubber Bandits an buaic phointe. Dá mbeadh Foinse ag rith an chomórtas a bhíodh acu dornán de bhlianta ó shin, Gael na Bliana, ní bheadh ach ainm amháin sa hata ag deireadh na bliana, na Rubber Bandits.

Ar ndóigh ní h-ionann an ghradam úd dá luachmhaire é agus airgead sa bhanc – rud atá an mheas ag na Bandits air!

Ritheann sé liom gur maith an rud é nach bhfuil scéim teanga faoi Acht na dTeangacha Oifigiúla i réim ag na Bandits. Dá mbeadh, ghlacfadh sé trí bliana orthu an leagan Ghaeilge a éisiúint den amhrán agus idir an dhá linn bheadh cúpla rabhadh ‘laidir’ faighte acu ón gCoimisinéir Teanga! NOT.

Is sa treo seo – seachas i dtreo an mhaorláthais – ar cheart do phobal na Gaeilge díriú – ach cad a dhéanfadh caoire ach an phocán a leanúint fiú mas thar an faill féin é!

3 thuairim ar “Na Rubber Bandits – níos fearr arís i nGaeilge!

  1. aonghus

    Éacht atá ann cinnte – ach sílim gur Seachtain na Gaeilge a mheall uatha é. Tá sé ar CD s’acu pé scéal é.

    Níl aon riachtanas díriú ar rud amháin: is ceart ár gceart a éileamh ón maorlathas – ach ag an am gcéanna ár gceart a lorg ó dream mar seo, agus comhlachtaí príobháideacha freisin.

    Is mian liom an oiread agus is féidir de mo shaol a Ghaelú, ní an teaghlach agus an siamsaíocht amháin!

    Freagra
  2. Dubhaltach

    Is Gaeilgeoir líofa an tUasal Chrome. Chuala mé cúpla agallamh leis ar Raidió na Life nuair a tháinig Horse Outside amach. Táid ar fáil áit éigin are líne má tá spéis agat ann. Ní déarfainn go raibh mórán stró ar Lucht Sheachtain na Gaeilge dá mhealladh leis an fhírinne a rá.

    Freagra
  3. Dubhaltach

    Mo leithscéal, táid beirt -an tUasal Chróim agus an Buachaill Dall – ina nGaeilgeoirí

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s