Straitéis 20 Bliain na Gaeilge? Straitéis mo thóin!

NAMA - Nil Airgead Maith Ag Teastáil

Tá’s againn go bhfuil an tír i bponc.  Tá’s againn cé a chuir sa bponc sinn.   Tá’s againn go gcaithfimid teacht le cheile agus cuidiú chun an tír a thabhairt slán ón bpriacal ina bhfuil sí.

Tá sé ráite agam go minic nach gcreidim go bhfuil morán fiúntais le h-airgead a chaitheamh ar chaipéisí nach leitear i mBéarla  a aistriú go Gaeilge.  Ag an am chéanna, creidim go bhféadfaí roinnt Ghaeilge a bheith i ngach chaipéis oifigiúil sa chéad dul síos, go h-áírithe caipéisí atá nua fhoilsithe.    Níos  mó ná an ‘cúpla focal’, níos lú ná an aistriúchán iomlán.

Feictear dom go bhfuil an Rialtas anois ag iarraidh orainn iasachtaí a thabhairt doibh.  Chonac an chaipéis don ‘National Solidarity Bond’ in Oifig an Phoist i mBaile Mhic Ire, oifig Gaeltachta is fiú a lua, agus is féidir leat é a fheiscint anseo.     Caipéis iomlán i mBéarla é seo.  Níl focal amháin i nGaeilge ann.

Is caipéis é seo atá ag iarraidh orainn airgead a infheistiú i dtodhchaí na hÉireann agus a gheallann brabhús 50% ar do chnap shuim tar éis deich mbliana.  Dá mbeadh deich fhocal Ghaeilge ann, fiú, bheinn sásta cúpla Euro a chur sa chiste seo, ní ar mhaithe leis an mbrabhús ach ar mhaithe le tabhairt le fios go bhfuilim ag tacú leis an iarracht an tír a thabhairt slán ón bpriacal.

Iarann an neamairt seo ceisteanna eile faoi chur chuige an Rialtais agus chomh tiomanta is atá an Stat don teanga agus don tir ghrá, rud éigean a cheapfá bheith gaolmhar leis an achainí. . Is é seo an Rialtas céanna atá ag iarraidh orainn a chreidiúint go bhfuil siad dairíre faoin Straitéis 20 Bliain don Ghaeilge atá á dhréachtú agus á athdhréachtú ar feadh roinnt blianta anois, is cosúil.

Cent rua ní bhfaighidh siad uaim fhaid is a leanann siad ag imeallú mise agus mo leithéid.

Ní miste liom a lua go bhfuil ainmneacha NAMA agus An Post luaite leis an gcaipéis seo.   De réir dealraimh is é An Post atá ag riaradh na scéime ar son NAMA.   De réir suíomh an Choimisinéara Teanga, tá dréacht scéim á ullmhú ag An Post faoi Acht na dTeangacha Oifigiúla 2003.   Mar sin, is dócha go bhfuil lámha an Choimisinéara ceangailte ar an gceist seo.

Tagann seo sna sála ar an amaidíocht mí Ghaelach a bhí ar bun faoi scath an Uachtaráin agus ‘Your Country Your Call‘.

Straitéis 20 Bliain na Gaeilge?  Straitéis mo thóín!  Deineann an sort seo droch obair ceap magaidh de dhea iarrachtaí an chuid sin den Rialtas atá ag iarraidh an straitéis a dhaingniú agus a chur i bhfeidhm agus atá ar leas na teanga.  Nílim in éad leis an Aire nua, Pat Carey, agus é tosnaithe i mbun a Aireacht nua…..

6 thuairim ar “Straitéis 20 Bliain na Gaeilge? Straitéis mo thóin!

  1. Iarla

    Is trua nach mbíonn na bileoga ar fáil sa dá theanga ag an am céanna, mar ba chóir. Tá a fhios agam go bhfuil na bileoga áirithe atá luaite á n-aistriú go Gaeilge faoi láthair, ach is cosúil nach dtuigeann na heagraíochtaí móra seo go fóill nach ceart dóibh fanacht ar éileamh chun é seo a dhéanamh. Glacann formhór na ndaoine leis an leagan a bhíonn ar fáil agus ní chuireann siad an stró orthu féin leagan Gaeilge a lorg. Dá mbeadh an dá theanga le chéile ar an gcáipéis ó thús… Ach ní tír dhátheangach í seo i ndáiríre, níl i straitéisí ná i mbeartais an stáit seo ach bréagchráifeacht.

    Freagra
  2. igaeilge Údar an Ailt

    Tá an iomarca ama á chaitheamh agat i ndruslannaí Luimní, a Bhuilí bhig!, má’s ag smaoineamh ar mo thóin a tá tú!

    Freagra
  3. instsignpost

    Fiú má tá lamha an Choimisinéara ceangailte is ceart an gearán a chuir isteach chuige – le pictiúir den bhfógra agus aon bhilleog. Láidríonn sé an cás nuair is duine “reachtúil” mar an Coimisinéar a déanann an gearán leis an Post!

    Freagra
  4. Dubhaltach

    NTMA atá i gceist agat? Ní NAMA
    Tá difríocht mhór ann.
    Cén fáth go mbeadh NAMA ag lorg airgid uainn, tá ár n-airgead acu, ní raibh gá ceist a chur!

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s