Gaelscéal agus ‘Gaeltacht gan teorainn’

Ní fheadar ar cheart dom bille a chur chuig Ciaran Dunbar, eagarthóir Gaelscéal, as ucht úsáid a bhaint as coincheap iGaeilge, an Gaeltacht Gan Teorainn, mar mhanna, de réir mar atá luaite aige in agallamh atá foilsithe ar an suíomh ‘Gaelport’ inniu?

Deir Dunbar: “Táimid ag leanúint an mhana ‘Gaeltacht Gan Teorainn’, beidh Gaelscéal ag freastal ar lucht labhartha na Gaeilge, ar fud an oileáin, agus thar lear”.

Níl a fhios agam an bhfuil feoil curtha ag an tUasal Dunbar ar an manna seo go fóíll.  Mura bhfuil is féidir leis é do sheiceáil ar an phostáil seo ar iGaeilge a foilsíódh i mí Iúil seo chaite.

Ní dócha gur cheart bheith buartha faoi.  Glacfaidh mé leis an tagairt mar mholadh d’iarrachtaí iGaeilge bíodh is nach bhfuil iGaeilge luaite i gcaint an eagarthóra.

An rud ar cheart bheith buartha faoi ná an tagairt seo:

Tá cúigear fostaithe ag Gaelscéal, Ciarán Dunbar mar eagarthóir, Trevor Ó Clochartaigh mar Bhainisteoir Tionscadail, Patricia Ní Chonghaile a bheidh i mbun cúrsaí margaíochta, agus Meadhbh Ní Eadhra agus Treasa Bhreathnach mar sholáthraithe ábhair.

Tabhair faoi ndeara nach bhfuil an post ‘iriseoir’ luaite le duine ar bith den chúigear atá le bheith fostaithe go lán aimseartha le Gaelscéal.   B’fhéidir nach rud nua amach is amach é  Gaeltacht gan teorainn ach is cinnte gur rud iomlán nua é an nuachtán gan iriseoirí!

Cinnte beidh iriseoireacht ar bun ag saor iriseoirí don nuachtán – ach níl aon iriseoir fostaithe acu go lán aimseartha seachas, is dócha, an eagarthóír, a tharlaíonn go bhfuil ‘taithí na mblianta’ aige san iriseoireacht chlóite Gaeilge.   Nílim féin cinnte an ionann corr alt do Lá Nua nó do Comhar nó an Irish News agus an cineal taithí atá de dhíth ar dhuine chun é a ullmhú le bheith ina eagarthóir nuachtáin – ach cá bhfios ach go leireofar go bhfuil an cúram níos éasca ná mar a thuig mise é bheith.

Ach cuireann an téarma ‘solathraithe abhair’ mar chur síos ar phostanna arbh é iriseoireacht an phríomh chúram olc orm.  Laghdaíonn sé céard nó gairm na h-iriseoireachta.   Mura bhfuil dearúd orm ní solathraithe abhair ach iriseoirí a bhí á lorg sa bhfógra an chéad lá.  Cén fath, mar sin, an athrú téarmaíochta anois?  An bhfuil níos mó ná ‘athrú téarmaíochta’ i gceist?

An ionann an chéard ag an t-é a sholathraíonn leathair don ghréasaí agus an ghréasaí a dheineann bróg den leathair chéanna?   Ní doigh liom é.

Is mó mo imní ná riamh faoin todhchaí atá i ndán do Gaelscéal agus na meáin chlóíte Ghaeilge….

10 dtuairim ar “Gaelscéal agus ‘Gaeltacht gan teorainn’

  1. Dennis

    ábhar a sholáthar = rudaí suimiúla, idir thuairisc is tuairim, a aimsiú ar an idirlíon agus Gaeilge a chur orthu. An é sin é?

    Freagra
  2. Sean Mór

    Beidh le feiceáil Dé hAoine is dócha cén cineál nuachtáin a bheas againn, agus cén cineál iriseoireachta a dtig linn a bheith ag dréim léi.Cinnte, tá cúpla rud a bhfuil mé féin in amhras fúthu: ainm an pháipéir féin, bhí sin mar ainm ar nuachtlitir áitiúil againne agus níl a fhios agam an bhfóireann sé do nuachtán náisiúnta; an mana ‘ag cothú phobal na Gaeilge’… b’fhearr liom féin béim a bheith ar nuacht seachas ar phobal a chothú srl. Maidir le heaspa taithí an eagarthóra, is iomaí eagarthóir gan taithí a bhí i mbun nuachtán Gaeilge go dtí seo, cuid acu ar éirigh go measartha maith leo agus cuid eile nár fhóir don obair. Arís beidh le feiceáil agus is fearr liom féin deis a thabhairt dóibh iad féin a chruthú seachas iad a cháineadh sula mbíonn an chéad eagrán den nuachtán i gcló fiú

    Freagra
  3. séamus Mac Seáin

    ní shílim a choncubhair in aimsir seo na nua- theicneolaíochta go bhfuil iriseoireacht den tsean déanamh ann níos mó. Tá gach duine ar rogha leis é ina iriseoir anois agus is gearr go bhfaighfí amach an bhfuil maith ar bith ann chuige agus neosfaidh an aimsir. Tá na sean ghairmeacha a bhíodh ann imithe le sruth agus is a fhearacht sin anois ag an iriseoireacht é. D’imigh sin agus tháinig seo ach ní hionann sin agus a rá gur measa a chaithfeadh an rud nua a bheith. Tá súil agam go mbeidh téagar éigin sa scríbhneoireacht in Gaelscéal agus go mbeidh sé géar go leor ar an bhunaíocht pé ar bith áit ina bhfuil sí,an stát, an chléir,na hEaglaisí agus bunaíocht ghluaiseacht na Gaeilge ach go háirithe. Níor mhisde sampla an bhlag seo a leaúint agus gan “gialla” ar bith a ghlacadh. Má dhéanann siad sin léighfidh daoine é. mura ndéanann ní bheidh ann acht iarracht eile a chuaigh amú. Ní bheinn ró bhuartha ag an tús gan ach foireann bheag a bheith ann seachas fáil amach ar ball nach bhfuil airgead ann chuige agus daoine a ligint chun siúil. Leis an fhírinne a dhéanamh tá mé ag súil leis an pháipéar go bhfeice mé cad é an iarracht a dhéanfaidh an té nach “proifisiúnaí ” é sa chiall is coitíanta den fhocal ach deirim arís é tá taobh an ghnó den phaipéar lán chomh tabhachtach leis an scríbhneoireacht agus is ar a gcumas gnó a thitfidh nó a sheasfaidh lucht stiúrtha an pháipéir. Ar scor ar bith go n-éirí leo nó bhí ar sáith diomú againn le tamall anuas

    Freagra
  4. Ruairí Ramhar

    Súil agam go ndéanfaí an Dunbarach jab níos fearr mar eagraitheoir ná mar a rinne tusa le Lá

    Freagra
  5. Concubhar

    Sin dushlan gan amhras, a Phat. Ar ndoigh is cuma leis an bhForas faoi teagar agus ‘iriseoireacht’. Never mind the quality, feel the Irish an polasai ata acu.
    bhain La/La Nua ard chaighdean amach, buaic na h-‘iriseoireacht’ chloite I nGaeilge go dti sn dar liom, lena linn. deineadh seo le diograis in ainneoin na n-ainneoin. Ach b’fheidir gur rud eigean eagsuil ata ag teastail on bhForas anois, nuachtan nach dtogfaidh raic, nuachtan nach gcuirfidh ceisteanna crua. An sli is cinnte chun sin a bhaint amach, nuachtan le heagarthoir gan taithi fairsing, cumasach ‘iriseoireacht’ cruthaithe agus foireann solathraithe abhair (seachas iriseoiri) a mhaoiniu. B’fheidir go bhfuilm micheart. Ta suil agam go bhfuilim micheart. Is le Gaelsceal an liathroid anois. An mbeidh anoiread leitheoiri ag an nuachtan is ata ‘cairde Facebook aige?

    Freagra
  6. shinnylites

    “De réir Dunbar… ní dhéanfar idirdhealú idir lucht na Gaeltachta agus na Galltachta, agus is sa chaighdeán oifigiúil amháin a scríobhfar”

    Caithfidh nach bhfuil an ráiteas seo fíor:

    “sa chaighdeán oifigiúil amháin?”

    Ní chreidim é… Ní fhéadfadh sé sin a bheith fíor.. an bhféadfadh?

    Freagra
  7. Mise Áine

    ‘ is fearr liom féin deis a thabhairt dóibh iad féin a chruthú seachas iad a cháineadh sula mbíonn an chéad eagrán den nuachtán i gcló fiú’ – aontaím le Seán Mór.

    Go n-éirí go geal le Gaelscéal!

    Freagra
  8. igaeilge Údar an Ailt

    Ar ndóigh níl aon cháíneadh déanta agam ar ‘Gaelscéal’ go fóill. Níl ann ach gur thóg mé ceist faoin cur chuige nuálach seo atá á úsáíd ag an nuachtán – Nuachtán gan Iriseoirí. Tá’s agam go mairimíd i saol sona anois ós rud é go bhfuil Facebook ann agus go mbímid i gcónaí ag rá rudaí deasa faoina cheile. Ach is duine den seandhéanamh mise, creidim i gcorr cheist a chur. Sin iriseoireacht ar ndóigh, seachas ‘solathar abhair’.

    Freagra
  9. Maidhc Maol

    Beish an páipéar ag déanamh idirdhealú ar lucht na Gaeltachta muna mbeidh siad sásta glacadh le haon Ghaeilge ach an caighdeán oifigiúil. D’aithin Éamon Ó Cuív go bhfuil an caighdeán sin as dáta, agus gan dabht, ní hé atá á labhairt ag Gaeilgeoirí timpeall na tíre.
    Ach an rud so faoi “soláthraithe ábhair”, b’fheidir go mbaineann sé le cúrsaí ceardchumainn. Tá an Curadh Connachtach i nGaillimh taobh thiar de Gaelscéal, agus is cinnte go bhfuil comhaontú acu san leis an NUJ i dtaobh pá is eile. Má thugtar “soláthróirí” orthu in áit “iriseoirí”, seans gur féidir leo pá níos ísle a íoc leo? Mholfainn don NUJ féachaint isteach sa scéal!

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s