Imeacht pholatúil eile agus súil ‘eile’ Nuacht TG4

D’eirigh Martin Cullen as an Aireacht Ealaíon, Spórt agus Turasóireachta is a shuíochán Dála trathnóna inniu de bharr cúinsí sláinte.    Ní eirí as gan coinne é seo ach, ag an am chéanna, fagann sé an Chomhaireacht agus an chuma air gur long é atá ag dul béal faoi agus na franncaigh ag teitheadh ón soitheach chomh tapaidh is a mbéarfaidh a gcosa iad.

An rud is annamh is iontach, bhí mé ag faire ar Nuacht TG4 anocht [an craoladh beo seachas an craoladh idirlín] agus bhí tuairiscí tiubh agus te ag teacht ón gComhfhreagraí Pholatúil, Ronán O Domhnaill faoin scéal seo a bhí ar tí ‘briseadh’ [faoi mar a bhrisfeadh ubh lofa i do phóca ag cruinniú phoiblí baincéirí?]

Ar aon nós, bhí súil le fógra foirmeálta ón dTeachta Dála ó Phort Láirge uair eigean anocht agus, b’fhéidir, le linn chlár nuachta TG4, rud a bheadh ina bónas deas do staisiún Bhaile na hAbhann dá dtárlódh sé.  Bhí tuairisc acu sa channa agus muintir na nDéise á chur faoi agallamh faoi ‘imeacht a nAire’ agus craoladh é sin ar eagla na h-eagla.

Sa deireadh thiar, níor fhógair an Aire a eirí as go dtí 7.30in agus Nuacht TG4 díreach criochnaithe.  Ach amháin nach dóichí go bhfuil a fhios ag an tUasal Cullen Nuacht cé acu an bhfuil Nuacht TG4 ann nó as, cheapfá gur díoltas pearsanta a bhí á ghlacadh aige as ucht rud éigean a thárla roimhe seo.

An rud is mó a chuir as dom faoi thuairisciú Nuacht TG4 ar an imeacht pholatúil eile seo, an ceathrú imeacht ó bhínsí an Rialtais i gceithre sheachtain, gur dhírigh an clár nuachta ar an eifeacht áitiúil pharóistiúil i bPort Láirge seachas ar na h-earnálacha a raibh faoina chúram mar aire; Ealaíon, spórt agus turasóireacht.

Cá bhfuil bhúr súil eile imithe, Nuacht TG4?   Níl a fhios agam an raibh eifeacht dá laghad ag Martin Cullen ar shaol an ghnath Dheiseach [seachas ná raibh sé ábalta seasamh ar a son nuair a chaill oibrithe Ghloine Phort Lairge a bpostanna].

Ach nach bhfuil sé bailí agus nuachtúil a fhiafraí ar cheannairí agus pearsaí móra le rá i réimsí na n-ealaíon, an spóirt agus na turasóireachta cén oidhreacht pholatúil ar fhag an Chuilineach ina dhiaidh.   Ní raibh sé bailiú nó nuachtúil de réir chlár oibre nuachta Nuacht TG4 anocht.   Ní paróistiúil go dtí é. [Ní bheadh sé cothrom gan a lua go raibh coimriú réasúnta ar ghníomhré pholatúil an tUasal Cullen ag Irene Ní Nualláin cé gur iarracht a bhí ann an iomarca eolais a bhrú isteach i mbeagán ama, ba léir]

A fhaid is atá an cur chuige seo ag comhfhreagraithe pholatúla na meáin, ní bheidh aon athrú ar an saol pholatúil sa tír seo.  Tá chuile rud ag brath ar cé acu an bhfuil nach bhfuil Aire i do Dháil cheantar agus, anuas ar sin, an bhfuil sé nó sí ábalta a dhothain votaí a ghnóthú ‘óna thaobh’ den Dháilcheantar agus más féidir leis, bhuel, ní bhacfaidh sé leat in aon chorr!   Sin é ár dtaithí ar an Aire Oideachais, Batt O’Keeffe, mar shampla, nár thóg a láimh chun rud ar bith a dhéanamh maidir le cur chun cinn an Ionaid Náisiunta Oideachais don Ghaeilge ag Coláiste Iosagáin atá ar an dtaobh mícheart dá thoghcheantar.  Ach sin mise ag eirí paróistiúil!

Is mór an trua nach bhfuil fíor súil eile againn i dtuairisciú nuachta na tíre seo go fóill beag!

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s