Teacht Google Gaeilge, imeacht tionscal an aistriucháin?

Agus sinn ag cur fáilte inné roimh sheirbhís aistriúcháin Google, rith sé liom go bhféadfadh impléachtaí tromchúiseacha a bheith ag an seirbís seo do ghnólachtaí aistriúcháin fud fad na tíre.

Tá seirbhís Google saor in aisce.   Ní fheadar an bhfuil sé iontaofa nó nach bhfuil ó thaobh caighdeán an aistriucháin ach, ar shlí, is cuma faoi sin.   Is Gaeilge atá ann agus mar sin b’fhéidir nach mbeidh lucht na gcaipéisí oifigiúla ró bhuartha.  An bhfuil éinne ag léamh na gcaipéisí seo ar aon nós?

Níl ann ach smaoineamh fánach agamsa – agus ní le h-olc d’aistritheoirí a luaim é – ach cheapfainn go bhféadfadh borradh teacht faoin úsáid a bhaintear as Google Gaeilge chun caipéisí a aistriú agus go bhfagfaí an cheartúchán ag na h-aistritheoirí.

aistriuchán

9 dtuairim ar “Teacht Google Gaeilge, imeacht tionscal an aistriucháin?

  1. séamus Mac Seáin

    Seirbhís iontach amach as amach agus mura bhfuil an taistriúchan chomh maith sin go fóill is dócha go dtiocfaidh feabhas air le tréan úsáide.Is gearr go mbeidh muid in nimhe piolla a ghlacadh agus ár rogha teanga a bheith ar ár dtoil againn.An bhfuil a fhios ag éinne an bhfuil aistriúchán na dteangacha eile chomh holc ag an am seo nó an dtáinig feabhas orthu?

    Freagra
    1. colm

      Tá nuachtán i mBarcelona á chur amach ón mbliain 1997/8 go dátheangach, le húsáid treallamh aistriúcháin. Is i Spáinnis amháin a bhíodh sé, ach shocraigh siad leagan Catalóinise a chur ar fáil. Tar éis an t-aistriúchán a dhéanamh go huathoibreach (focal ar fhocal, creidim), bhí orthu é a cheartú agus bhí foireann eagarthóirí fostaithe acu chuige sin. Ar ndóigh, níl an méid sin difríochta idir an dá theanga sin, agus b’éasca an obair dá bharr.

      Freagra
  2. colm

    An-suimiúil. Cheapfainn go mbeadh suim ag Google ceadúnais a dhíol leis an Rialtas chun úsáid a bhaint as an áis seo – más ag Google atá an cóipcheart agus nach ag duine eícínt eile é ar nós Kevin Scannell, an fear a chuir an áis seo ar fáil:
    http://borel.slu.edu/gramadoir/foirm.html
    Tá an fear seo ag obair sa réimse seo le 10 mbliana anuas ar a laghad, agus chuir sé an Litreoir, ceartaitheoir litrithe, ar fáil sa mbliain 2000 don chóras Linux, agus tá raidhse tograí Gaeilge curtha i gcrích ó shin i leith.

    Freagra
  3. aonghus

    Is cosúil go bhfuil sé ar chumas an córais foghlaim. Ach is dóigh liom go bhfuil muid i bhfad ó bheith in inmhe déanamh gan duine chun tiontú a cheartú. I dteanga ar bith.

    Freagra
  4. Philip Cummings

    Má tá an t-aistriúchán Béarla- Gaeilge chomh greannmhar is atá an sampla Gaeilge-Béarla ar do phost, ní baol do na haistritheoirí go fóill beag.

    Freagra
  5. aonghus

    Níos greannmhara.

    Is cosúil go bpléitear le nathanna mar “Corca Dhuibhne” nó “Roinn an Léinn Cheiltigh” mar aonad, ach nach dtuigeann an clár ord na bhfocail.

    Eilís Peninsula No a rinne sé as Eilís Ní Dhuibhne ar mo bhlagsa, abair. Agus tiontaíodh an focail Ceiltigh mar Studies.

    Ach foghlaimeoidh sé, má cheartaítear é.

    Freagra
  6. Máirtín

    Bíonn drochaistriúcháin chun cinn i gcónaí de réir mo thaithí fhéin leis an tseirbhís seo. Bím á húsáid as Gearmáinis ó am go chéile.

    Tá baol ann do haistritheoirí cibé ar bith, mar is léir go bhfuil daoine níos sásta a ghlacadh le heolas míchruinn na laetha seo más go gasta a fhaigheann siad é.

    Freagra
  7. Aidan

    Bainim úsáid as Google Translate go minic chun Béarla a haistriú go Spáinnis agus Polainnis. I dtús bhí orm a lán a cheartú sna haistriúcháin as Spáinnis ach anois tá an caighdeán go maith ar fad. Le Pholainnis níl an caighdeán chomh mhaith ach níos fearr freisin. An seachtain seo chaite bhí ceist againn faoi ríomhpost as Siopáinnis agus bhí an chiall le bhaint amach le haistriúcháin Google. Is maith an rud é go bhfuil Google Translate as Ghaeilge agus go mbeidh deis ag daoine le Gaeilge briste suíomh a léamh sa teanga.

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s