Achainí Foinse – tuilleadh tacaíochta ag teastáil

Dá mbeadh toradh fiúntach ar bith ar achainí idirlín, an gcuirfidís – na h-Údaráis – deireadh leo?

Sin ceist a ritheann liom anois is arís. Nó is cuimhin liom gur shínigh breis is 10,000 achainí i mí Feabhra 2008 chun Lá Nua a thabhairt slán. Ach ní raibh sa seal breise a fuarthas ag an am ach seal ana ghairid.

Ar aon nós tá achainí anois ann le h-aghaidh Foinse – agus níl ach timpeall ar dhá scór tar éis é a shiniú ag mean lae Dé Luain. Bhí scór ann ar maidin inniu agus scaoil mé racht feirge uaim ar Twitter, racht gairid an dtuigeann sibh, agus mhéadaigh an líon siniúcháin go mór ó shin. (Bualadh bos do iGaeilge!).

Seo deis do phobal na Gaeilge agus iad san a thacaíonn le h-éagsúlacht chultúr in Éirinn a léiriú nach bhfuil siad ar nós cuma leo faoi bhagairtí mar seo. Má dhúntar Foinse ceal suime, an measann tú go stopfaidh sé ansin. Má fhoghlaimíomar aon rud ón eispearas le Lá Nua, is é nár cheart rud ar bith a fhagaint faoi na h-údaráis. Ar dtúis Lá Nua, ansan Foinse, ansan TG4, Conradh na Gaeilge, Pobal??????

Cá stopfaidh an lobhadh? Ni stopfaidh sé mura labhrann tú amach. Labhair amach mar a labhair cosmhuintir na hIaráine an tseachtain seo chaite agus anois tá aird an domhain orthu. Ní h-ionann an dhá chás, admhaím, ach tá cultúr i gceist anseo.

Fiú mura gceapann tú gur fiú morán Foinse – agus creidimse gur cheart go bhfeabhsófaí go mór é – ná lig chun báis é gan do ghlór a ardú. Sínigh an achainí agus scaip an scéal. Abair le do cháirde é a shíniú. Dein é sin agus dein anois é!

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s