Bog ar aghaidh – níl rud ar bith ag titim amach anseo

Go fóill tá Foras na Gaeilge ag imirt na gcluichí maidir le Foinse agus níl aon eolas beacht sa ráiteas a d’eisigh siad inniu i ndiaidh an chruinnithe a bhí ag an mBórd i mBaile Atha Cliath.

Seo a bhí le rá ann.

Ag cruinniú de bord Fhoras na Gaeilge, a bhí ar siúl inniu, i mBaile Átha Cliath, rinneadh plé ar réimse leathan ábhar, an conradh le nuachtán seachtainiúil Gaeilge a sholáthar ina measc.

Bhí sé riamh mar pholasaí ag Foras na Gaeilge, ó bunaíodh é i 1999, go bhfuil sé riachtanach go mbeadh nuachtán uile-oileánda, seachtainiúil ann agus rinneadh an polasaí sin a athdheimhniú ag an gcruinniú inniu.
Tuigeann Bord an Fhorais go bhfuil deacrachtaí ag Móinéar Teo. agus tá sé i gceist ag Foras na Gaeilge go leanfar leis an gcomhphlé leo. Tá sé de rún ag Coiste Nuachtán agus Irisí an Bhoird bualadh le bainistíocht Móinéar Teo. chomh luath agus is féidir an tseachtain seo chugainn leis na deacrachtaí atá ag an gcomhlacht a phlé go mion. Tá Bord Fhoras na Gaeilge dóchasach gur féidir teacht ar réiteach.

Is féidir tacaíocht a thabhairt d’fheachtas Foinse ar go leor bealaí – labhair le do Theachta Dála nó do Sheanadóir. Cuir glaoch ar Fhoras na Gaeilge agus iarr labhairt le Ferdie Mac an Fhailigh le do thacaíocht don nuachtán a chur in iúl agus/nó sínigh an achainí seo.

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s