Tacaíocht an Chonartha do Foinse

Seo ráiteas a d’eisigh Conradh na Gaeilge ar son Foinse ó chianaibh?

Tacaíocht do Nuachtán na Gaeilge
10/06/09
Léirigh Conradh na Gaeilge tacaíocht don nuachtán seachtainiúil Foinse i bhfianaise an chruinnithe chinniúnaigh a bheas ag Pádraig Ó Céidigh, úinéir an nuachtáin, le Foras na Gaeilge maidir le cúrsaí maoinithe an pháipéir níos déanaí inniu, Dé Céadaoin, 10 Meitheamh 2009.
Beidh cás éigeandála an nuachtáin le plé tar éis don Uasal Ó Céidigh a rá nach bhféadfadh an comhlacht foilseacháin Móinéar Teo. glacadh le téarmaí chonradh nua an Fhorais chun an t-aon nuachtán náisiúnta Gaeilge atá ann a fhoilsiú go seachtainiúil sa tréimhse 2009 – 2013, ach tá súil ag an gConradh go dtiocfaidh na dreamanna leasmhara ar réiteach gasta ar an scéal inniu.
Arsa Pádraig Mac Fhearghusa, Uachtarán Chonradh na Gaeilge: “Creideann an Conradh go bhfuil riachtanas faoi leith le Foinse, go háirithe toisc go bhfuil nuachtán laethúil na Gaeilge, LÁ, imithe, agus toisc an tseirbhís ar fónamh atá curtha ar fáil ag Foinse do phobal na teanga le tamall maith de blianta, agus toisc an fuinneamh agus an éagsúlacht atá á léiriú ar leathanaigh an nuachtáin.”
“Tá Foinse ag cur seirbhís nuachta ar ard-chaighdeán ar fáil do phobal na Gaeilge le trí bliana déag anuas agus molann Conradh na Gaeilge an dea-obair dhíograiseach atá curtha i gcrích ag foireann an nuachtáin ón gcéad lá riamh.”
Creideann an Conradh, chomh maith, go bhfuil sé rí-thábhachtach postanna in earnáil na Gaeilge a shlánú le linn an chúlú eacnamaíochta seo agus is iomaí iriseoir a bheadh thíos leis dá dtiocfadh deireadh le Foinse. Bheadh sin tubaisteach don iriseoireacht, agus do scríbhneoireacht na Gaeilge trí chéile.

Cá bhfuil na h-eagrais eile agus a gcuid raitis tacaíochta? Céard atá eagrais na Gaeilge chun déanamh ar an gceist seo? Cuimhnigh an méid a scrígh an Pastor Niemoller:

Als die Nazis die Kommunisten holten,
habe ich geschwiegen;
ich war ja kein Kommunist.
Als sie die Sozialdemokraten einsperrten,
habe ich geschwiegen;
ich war ja kein Sozialdemokrat.
Als sie die Gewerkschafter holten,
habe ich nicht protestiert;
ich war ja kein Gewerkschafter.
Als sie die Juden holten,
habe ich geschwiegen;
ich war ja kein Jude.
Als sie mich holten,
gab es keinen mehr, der protestieren konnte.

When the Nazis came for the communists,
I remained silent;
I was not a communist.
Then they locked up the social democrats,
I remained silent;
I was not a social democrat.
Then they came for the trade unionists,
I did not protest;
I was not a trade unionist.
Then they came for the Jews,
I did not speak out;
I was not a Jew.
When they came for me,
there was no one left to speak out for me.

Tá sé in am do dhaoine dul sa bhearna baoil ar son na Gaeilge. Ná bí ar chúl. Bí i dtús cadhnaíochta. Tacaigh le Foinse inniu – agus má thagann siad slán, ar a laghad, beidh duine eigean ann le labhairt ar do shon amárach…

6 thuairim ar “Tacaíocht an Chonartha do Foinse

  1. Daithí

    A Choncubhair, a chara,

    Ar fhoilsigh Sinn Féin ráiteas go foill?

    Níor chuala mise faic.

    Beidh Gearóid Mac Ádhaimh ag labhairt ag an New York Hilton i 6ú Ascaill an deireadh seachtaine seo, Dé Saitháirn.

    Céard a cheapann tu agus do léitheoirí faoi agóid taobh amuigh den ostán?

    Freagra
  2. Séamas Ó Neachtain

    Níl aon rud mar lón saor ann. Má bhraitear ar airgead an rialtais, braitear ar dhea-mhéin an rialtais chéanna, agus má sheineann siad fonn, ní mór duit an damhsa ceart a dhéanamh. Droch-mhargadh a bhíonn ann i gcónaí. Féach TARP sna Stáit, srl.
    An bhfuil sé in am crannchur nua ar nós Gael-linn a chur i bhfeidhm?

    Freagra
  3. aonghus

    Chuir mé r-phost ag info@gaeilge.ie agus slam ccanna leis – aire@pobail.ie, cléireach an choiste Oireachtas 7rl.

    Tá suíomh an fhorais go hainnis maidr le sonraí teangmhála a aimsiú. An bhfuil seoltaí r-phoist comhaltaí an Bhoird ar fáil áit ar bith? Tá an rud seo ró phráinneach do seilide phost.

    Freagra
  4. igaeilge Údar an Ailt

    Nior aistríos é a chorr ar bith -bhí leagan Gearmáinise agus leagan Bhéarla ar fáil ar shuíomh Wikipedia agus thugas anseo iad. Ar mhaith leat é d’aistriú agus foilseoidh mé anseo é?

    Freagra
  5. aonghus

    Seo leagan a rinne mé cheana:
    Nuair a tháinig siad ag triall ar na Cumannaigh,
    Ní dúirt mé faic, toisc nárbh Cumannach mé,
    Nuair a tháinig siad ag triall ar na Daonlathaigh Sóisialacha,
    Ní dúirt mé faic, toisc nárbh Daonlathach Sóisialach mé,
    Nuair a tháinig siad ag triall ar na Ceardcumannaigh,
    Ní dúirt mé faic, toisc nárbh Ceardchumannach mé,
    Nuair a tháinig siad ag triall ormsa,
    Ní raibh aoinne ann chun faic a rá.

    [Níor luaigh sé na Ghiúdaigh sa bhunleagan!]
    An blagmhír uilig anseo

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s