An blag abú!

Tá go leor cloiste agus léite agam le tamall ó na meáin chlóite faoi ‘easpa chaighdeáin’ na mblaganna, agus ní ag caint ar chúrsaí gramadaí agus íde tarcaisneach na bpoilíní teanga atáim. Bí ag caint ar chaitheamh anuas agus na sagairt is cráifí sa teampall!

Spreagadh an rachta seo an scéilín a tugadh chun solais (nó a ‘clúdaíodh’ mar a bheadh le rá ag Foinse!) san Irish Times go raibh mac léinn ó Bhlea Cliath tar éis eagarthóireacht a dhéanamh ar iontráil WIkipedia le Maurice Jarre, an ceoltóir is an cumadóir Franncach a cailleadh i mí na Márta. Agus é ag déanamh iarracht tastáil a dhéanamh ar an úsáid a bhaineann iriseoirí sna meáin chlóite as an idirlíon mar fhoinse nuachta, chum sé abairt nó dhó ‘dhír bheathaisnéise’ agus chuir sé i mbéal an cheoltóra an chaint sin. Nuair a cailleadh an tUasal Jarre, baineadh úsáid as an ráiteas céanna in ailt omóis ar fuaid na cruinne.

“One could say my life itself has been one long soundtrack. Music was my life, music brought me to life, and music is how I will be remembered long after I leave this life. When I die there will be a final waltz playing in my head, that only I can hear,” a ‘dúirt’ Jarre.

Cuireann an scéilín seo an méid a bhí le rá ag Catherine O’Mahony, eagarthóir na meáin leis an Sunday Business Post agus í ag cosaint íonsaí a rinne scríobhnóir ar bhlagadóirí in alt ar fhoilsigh sí sa nuachtán sin, i gcuimhne dhom.

But the fact is that working journalists have editors, and subs and lawyers who check and recheck their work. Most of us — the print media — just CAN’T go with whatever story is doing the rounds. Bloggers can and often do.

Má léann tú an leabhar ‘Flat Earth News’, tuigfidh tú gur fínscéal é sin. Níl ar bun i nuachtáin an lae inniu, don chuid is mó, ach obair chun leathnaigh a líonadh le h-ábhar darú láimhe ón idirlíon. Sin de bharr costas tairgthe an nuachtáin a bheith chomh h-ard nach féidir leo airgead a chaitheamh ar an ábhar is fearr a aimsiú. Sé sin le rá pá iriseoirí a íoc [agus san áireamh ansan, tá eagarthóirí, is fo eagarthóirí is eile].

Creidimse gur beag nuachtán a mhairfidh ró fhada – féach go bhfuil nuachtáin le clú is cáil domhanda, an Boston Globe, i mbaol a dhúnta. Cloisim go minic daoine ag rá go dtaitníonn sé leo nuachtán a bhreith suas ina lámha. Caint é sin atá ag imeacht as faisean ach a bhionn fós le clos ag sean fhondúirí – sin an caint a chuala mé ó bhéal Fherdie Mac an Fhailigh agus é ag tabhairt droim láimhe don rogha go mbeadh Lá Nua chun tosaigh ar an slua agus á fhoilsiú ar an idirlíon amháin.

An blag abú!

5 thuairim ar “An blag abú!

  1. Seán Mór

    Caithfidh mé féin a admháil go bhfuil mo shuim agus mo dhúil sa bhlagadóireacht ag méadú i rith an ama, a Choncubhair. Tá ciorcal beag blagadóirí Gaeilge ann chomh maith, atá ag fás de réir a chéile. Is maith liom an tuairim phearsanta a chloisteáil faoin uile rud… ó eachtraí pearsanta i saol an duine, go dtí mórthuairimí polaitiúla.

    Dála an scéil… tá mo bhlag féin i ndiaidh bogadh go seoladh úr ag http://www.eoghanach.blogspot.com. Mar sin de, tá meirg ar an nasc beag sin agat ag Seán Mór anois! Bheinn buíoch dá dtiocfadh leat é a athrú…

    ach go fóill, is maith liom nuachtán i mo lámh!

    Freagra
  2. igaeilge Údar an Ailt

    Ceartaithe a Sheáin.

    Is do leithéid atá ar chúl an théimh dhomhanda cé go dtugaim faoi ndeara go bhfuil argóint ann anois faoin idirlíon a bheith ina údar téiite freisin…

    Freagra
  3. Seán Mícháel O`Donnchadha

    Gan dabht tá na nuachtáin i dtrioblóid.Thar na bliana tá sé soiléar go bhfuil caighdeán na scéalta agus na scriobhneóireachta ag dul in olcas.Tá tionchar na nuachtáin tablóideacha go forleathan anois agus tá sé taréis na nuachtáin móra a athrú.Saghas “dumming down”atá i gceist cosúil leis na cláracha teilifíse réaltachta.Tá na nuachtáin áitiúla go mór thios faoi.Níl anois ach iriseoirí óga ós na coláistí gan morán taithí acu ag scriobh sna nuachtáin áitiúla.Is cuimhin liom nuair a bhí leitheidí Con Houlihan ag scriobh don Ciarraíoch.Tá an caighdeán díospóireachta sna blaganna níos fearr na na nuachtáin anois, d`aineoinn lucht na bpoilíní teanga.

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s