Seamus Heaney agus filíocht na ceannairce….

An mbeadh an oiread céanna airde ar 'Séamus Ó hÉanaí'?

An mbeadh an oiread céanna airde ar 'Séamus Ó hÉanaí'?


Poets with progress
Make no peace nor pact
The act of poetry
Is a rebel act

An file a scrígh é sin, Michael Hartnett, tá sé imithe ar shlí na fírinne. An fhile a bhí ann agus bhí ana dhúil agam ina chuid filíochta – dánta ar nós ‘Farewell To English’ ach go h-áirithe.

Más beart ceannairceach an fhilíocht, nach bhfuil sé aisteach go bhfuil an oiread san de cheiliúradh á dhéanamh ag Éire oifigiúil ar lá breithe Seamus Heaney?

Tá meas agam ar fhilíocht Heaney gan amhras agus tá athas orm go n-aithníonn RTÉ, An Irish Times agus, fiú, an tAire Cultúr, Martin Cullen, gur ann don fhilíocht agus go bhfuil siad á mholadh agus á chomóradh go h-ard na spéire. Conas a luíonn sé sin leis an fhilíocht cheannairceach?

Ach is ceiliúradh ar fad i mBéarla atá á dhéanamh ar an bhfeirmeoir focal seo ó Dhoire. Fiú go raibh dán á léamh aige ó chianaibh ar an raidió agus ‘Bruach’ an t-ainm a bhí air agus é ag déanamh íontais sa dán ar an ndeacracht a bhí ag daoine nach óna cheantar dúchais i nDoire a tháinig siad an focal sin a fhoghrú.

Bhí bean ann ó Harvard, ollamh iomráiteach, agus í ag caint ar an dtionchar a aithin sí sa dán sin. Luaigh sí Yeats is Keats is go leor filí móra le rá eile.

Ach nior rith sí lei gur féidir gurb í an Ghaeilge a bhí ag imirt tionchar ar an bhfile agus é ina thréimhse ‘early pastoral’ dá shaol.

Má bhionn an deis agam ar ball, a Sheamuis, ardóidh mé gloine duit agus déanfaidh mé ceiliúradh leat ar an ocáid tabhachtach seo.

Tá sin tuillte agat, ar a laghad.

Ach ní doigh liom go bhfuil an chéad noisean ag an dream atá do mhóradh inniu ar cad is filiocht ann i gcomhthéacs na hÉireann. Ní doigh liom go bhfuil filíocht na Gaeilge ar an ‘radar’ acu fiú.

Meas sibh go mbeadh leath nó trian an oiread gleo acu dá mba file i nGaeilge a bhí i gceist. Is féidir liom ainm d’fhile amháin a thabhairt chun cuimhne a rinne siad iarracht staicín aiféise a dhéanamh de…. An mbeidh RTÉ ag déanamh ceiliúradh mar an gcéanna ar Chathal Ó Searcaigh @70?

Tabhair faoi ndeara réaltaí uile RTÉ ag déanamh comhghairdis leis an bhfile – cheapfá go raibh an ceiliúradh mar gheall orthu, seachas mar gheall ar an bhfile…. Agus sin é an fath go bhfuil an scánnán seo ar You Tube – ionas go mbeifí ábalta an scéal a scaipeadh agus RTÉ a cheangal go docht leis an bhfile.

An bhfuil a fhios ag aoinne an mó clár teilifíse a bhí ann faoi Seamus Heaney sara bhuaigh sé Gradam Nobel na Litríochta i 1995?

RTÉ Supporting The Arts – Me Arse an manna ar cheart a bheith ag an gcraoltóir náisiúnta. Níl siad ag cur an dubh ina gheal orainn lena bhaoth thacaíocht don fhilíocht [Bhéarla]. Cá bhfuil na cláracha teilifíse faoin fhilíocht is leabhair imithe?

4 thuairim ar “Seamus Heaney agus filíocht na ceannairce….

  1. Ursula

    Is dócha go bhfuil Cathal Goan ag iarraidh airgead a shábháil de bharr na gciorruithe. Clár an-saor atá ann, tugadh an fhoireann (nó éinne a bhfuil spéis acu i bhfilíocht Heaney) isteach i stiúideó éigin i nDomhnach Broc agus dúradar cúpla focal os comhair an cheamara, beagáinín leadránach b’fhéidir, ach an-saor. Más ag lorg cláracha faoin litríocht agus an fhilíocht atá tú, bíonn siad ann ar an raidió, méan cumarsáide atá i bhfad níos oiriúnaí dóibh.

    Dála an scéil ní féidir comparáid a dhéanamh idir Heaney agus Ó Searcaigh. Scríobhann Ó Searcaigh i dteanga nach bhfuil ag mórán. Toisc go scríobhann sé i mBéarla, tá teacht ag Heaney ar iliomad léitheoirí go náisiúnta agus go hidirnáisiúnta agus an Gradam Nobel buaite aige freisin. Is maith liom cuid d’fhilíocht Uí Shearcaigh ach is file i bhfad níos ionraice é Heaney, ar chuile bhealach…

    Freagra
  2. aonghus

    Is maith liom filíocht Heaney – ach is file na bunaíochta le fada [freisin] é. Réabhlóid séimh atá ar bun aige, más réabhlóid in aon chor é.

    Maidir le neamhaird ar an nGaeilge, fiú agus é follasach gurbh as an tobar sin chomh maith a tharraingíonn file, bhuel, …

    Freagra
  3. igaeilge Údar an Ailt

    Ritheann sé liom freisin nár deineadh tagairt sna meáin Ghaeilge – TG4, RnaG nó Foinse – do bhreithlá shuntasach an fhile seo. Amhail is go bhfuil teanga dheighilt ar bun sa tír….

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s