Foras na Gaeilge = HSE na Gaeilge?

Is cosúil go bhfuil ‘imní’ ann go mbeidh ciorrú 20% ar bhuiséad Fhoras na Gaeilge de bharr an méid atá á bheartú ag An Bórd Snip Nua.

Seo a thuairiscítear i ‘Foinse’ na deireadh seachtaine seo. [Maith dhom é nach bhfuil nasc ann don scéal nó ní fhoilsíonn an nuachtán sin na scéalta is déanaí ar an idirlíon go dtí an Luan nó an Mháirt an seachtain dar gcionn – polasaí craiceáilte i saol na linne seo.]

Ach ní gá imní bheith ann faoi phostanna an Fhorais nó, mar a thuairiscíonn Áine Ní Chiaráin:

Ní shíltear go bhfuil aon chontúirt do phostanna buana san Fhoras

Má thiteann an tua, is cosúil gur ar ‘scéimeanna áirithe’ a thitfidh sé. I bhfocail eile, má tá tú ag obair i ngort na Gaeilge agus ag brath ar mhaoiniú an Fhorais, gach seans go mbeidh tú ag fáil litreach go luath ag cur in iúl duit go bhfuil tú i mbaol giorruithe.

Ritheann sé liom go bhfuil Foras na Gaeilge cosúil leis an HSE, an Fheidhmeannas Seirbhísí Sláinte. Nuair atá ciorrú le déanamh ag an HSE/FSS, is iad na h-othair is mó a fhulaingíonn nó scaoiltear altraí chun bealaigh agus deintear bhagairt ar na dochtúirí, iad san atá sa chéad líne catha ag iarraidh cóir leighis a chuir orthu san atá breoite.

Bí cinnte nach bhfulaingeoidh foireann buan an Fhorais na ciorruithe a bheidh le fulaingt acu san atá ag obair go dian amuigh sa ghort. Iad san nach bhfuil a bpostanna chomh buan le postanna buana an Fhorais a mhothóidh an phian sa ghéarchéim seo.

B’fheidir go bhfuil sé in am féachaint ar bhealaí eile chun ciorruithe a dhéanamh. Cad faoi an comhlacht caidrimh phoiblí atá fostaithe ag an bhForas – Financial Dynamics – chun dea scéalta an Fhorais a fhogairt don phobal? Cé mhéid a thugtar mar tháille don chomhlacht seo – buille faoi thuairim nach lú é ná €100,000 in aghaidh na bliana. Má fhéachann tú ar shuíomh an Fhorais, tabharfaidh tú faoi ndeara nár foilsíodh ach 14 preas raiteas anuraidh ón bhForas.

Agus go dtí seo i mbliana níor fhoilsíodh ach preas raiteas amháin. Fiú nach bhfuil an méid sin oibre ag an gcomhlacht caidrimh poiblí seo, tá conradh acu agus is iad atá freagrach as polasaí cumarsáide an Fhorais. Nach bhfuil aon duine ar fhoireann an Fhorais arbh fhéidir leis nó lei preas ráiteas a éisiúint….

Anuraidh, nuair a cuireadh deireadh le Lá Nua, ‘sábháileadh’ €240,000 in aghaidh na bliana. Ach láithreach d’fhostaigh an Fhoras cúigear nó seisear foirne – nó d’fhogair siad go raibh siad á lorg ar aon nós. Costas? Isteach is amach le €200,000 in aghaidh na bliana. An raibh gá leo? I bhfirinne?

Cuireann sé isteach orm go mbeidh an dream is mó atá ag obair ar son na Gaeilge thíos le ciorruithe ar bith – agus nach mbeidh aon phian le fulaingt ag na maorláthaigh i bhForas na Gaeilge féin.

Ceist amháin eile: An mó leas phríomh fheidhmeannach ar ghá don bhForas? Duine, beirt, triúr, níos mó?

Ceist amháin eile; cé a cheapann, i ndáiríre, agus an aoráid eacnamúil mar atá sé, go mbeidh aon acmhainní ann d’fheidhmiú Phleán Tarrthála/Foirithinte/Athréimnithe na Gaeilge má (nó nuair a) fhoilsítear i mbliana nó choiche?

2 thuairim ar “Foras na Gaeilge = HSE na Gaeilge?

  1. catherine quinn

    A Choncubair, a chara,

    Tá mise ag obair le clár teilifíse agus bheadh dúil agam labhairt leat faoi fhoilsitheoireacht trí mheán na Gaeilge agus na deacrachtaí a bhaineann leis sin, bhéinn thar a bheith buíoch duit dá seolfá ríomhphost chugam le d’uimhir teagmhála agus an t-am is fearr le labhairt leat,
    le gach deamhéin,
    Catherine

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s