An chraiceann is fearr á chur ar scéal COMHAR…

Scéal eile i Tribune an Domhnaigh inniu, scéal eile faoi airgead a bheith á ‘chur amú’ ar an nGaeilge.

An uair seo, deir an ceannlíne, ‘€231,000 grant for tiny Irish language magazine’. Comhar an ‘tiny Irish language magazine’ atá i gceist.

Aon duine a bhionn ag léamh an suíomh seo go rialta, beidh a fhios aige nó aici go bhfuilim tar éis roinnt ceisteanna a thógaint faoi mhaoiniú Comhar ón bhForas.

Agus Féile Mór na Rásai Capall ag Cheltenham ag teannadh linn, is fiú a lua go bhfuil ‘form’ ag an Sunday Tribune ar cheisteanna dá leithéid. Níl sé ró fhada ó shin gur fhoilsíodh scéal sa nuachtán céanna a bhí ag cur síos ar na milliúin a bheith á chaitheamh ar aistriúcháin ó Bhéarla go Gaeilge sna ranna Rialtais. Bhí plé againn ar an scéal sin anseo.

Léiríonn scéalta den chineál seo, áfach, go bhfuil na meáin Bhéarla ag díriú a gcuid gunnaí ar an nGaeilge agus iad ag iarraidh teacht ar bhealaí chun airgead ón sparán phoiblí a ‘choigilt’ agus, anuas ar sin, ceap milleáin a aimsiú.

Tá’s ag an saol Gaelach, áfach, nach bhfuil an Sunday Tribune agus a leitheid tagtha ar chroí an scéil go fóill – go bhfuil na milliún Euro in aghaidh na bliana á chur amú ar fhiontair Ghaeilge gan brí – agus fiontair fiúntacha le h-achmhainneacht, léitheidí Lá Nua, ligthe chun báis ‘ceal acmhainní’.

Go deimhin luadh scéal ‘Lá Nua’ sa scéal seo sa Tribune inniu.

Ironically, a daily Irish language newspaper was forced to close last December after its funding as cut by Foras na Gaeilge

Ach ní chuige sin atáim.

Tá roinnt ráitis sa tuairisc sa Tribune atá le ceistiú.

Mar shampla:

However, Foras na Gaeilge has defended the spending and said Comhar magazine was the successful applicant in a standard tender process.

Cibé rud a fhéadfaí a rá mar gheall ar an bproiseas tairisceana ina raibh Comhar páirteach agus, de réir na tuairisce, buach ann, ní fhéadfaí ‘standard’ a lua leis.

Ní thugann tuairisc an Sunday Tribune aon súntas don chinneadh a deineadh ag cruinniú Bhoird an Fhorais i mí Dheireadh Fómhair 2007, cinneadh atá faoi chaibidil i miontuairiscí an Fhorais don bhliain sin, miontuairiscí atá foilsithe i nGaeilge amháin ar shuíomh an Fhorais anseo.

27
04.60 AN COISTE AR NUACHTÁIN AGUS AR IRISÍ: TUAIRISC

Scém Iris Chlóite

Mhol an Coiste gan tairiscint a dhÈanamh do Comhar Teo. agus an scéim a
athfhógairt sa bhliain úr de réir téarmaÌ tagartha athbhreithnithe.

Ghlac an Bord leis na moltaÌ.

Mar atá’s agaibh, ní raibh aon ath-fhógairt ann. Ceapadh bórd nua ar Comhar agus fuair siad an conradh úr atá faoi chaibidil ag an Sunday Tribune tar éis ‘cainteanna’ idir an dhá eagras.

Ní thuigim, mar sin, cén fath go bhfuil an méid seo luaite le Seán Ó Cearnaigh.

“There were two applications, one from Comhar and one from another party [Y]…the application from party Y was disqualified because it did not reach a specific qualifying mark as set out in the documents, which outlined the assessment process.

”For third party, commercially sensitive reasons, I cannot coment on the sums, if any, which related to party Y’s application.”

Agus ansan níos déanaí, tuairiscítear:

Foras na Gaeilge said the application by Comhar had met all criteria but that a deal had not been agreed until last Summer.

Más amhlaidh gur sháraigh Comhar na critéir ar fad, faoi mar atá á mhaíomh anseo ag an bhForas, de réir na tuairisce, cén fath mar sin gur cinneadh ag cruinniú an Fhorais i mí Dheireadh Fomhair 2007 diultú d’iarratas Comhar agus athfhógair a dhéanamh?

An bhfuil bréag á chur i mbéal úrlabhraí an Fhorais ag an dtuairisceoir? Nó an é go bhfuil urlabhraí an Fhorais ag iarraidh an craiceann is fearr a chur ar an scéal agus a fhios aige nach bhfuil an Ghaeilge ag an tuairisceoir chun dúshlán a thabhairt dá ínsint tre miontuairiscí an Fhorais féin a scrúdú?

Níl a fhios agam, ach an oiread, cad as a thagann an fhigiúir díolachán atá luaite le Comhar? An bhfuil Comhar ag díol níos mó ná 1,000 coip in aghaidh an eagráin, mar atá á mhaíomh sa tuairisc seo?

Beag an baol. Níl sé ar díol anseo i Múscraí nó, de reir tuairiscí, i gConamara? Cá bhfuil sé ar díol?

Mo thuairim féin nach bhfuil morán níos mó ná 200 coip in aghaidh an eagráin á dhíol ag Comhar.

Agus sa chás sin, de réir mo mhatamaitic féin, tá deontas sa bhreis ar €40 in aghaidh an chóip a dhíoltar á fháil ag Comhar. Sin airgead deas más féidir leat amadán éigean a fháíl chun é a thabhairt duit!

Sa mhír deireannach den tuairisc, luaitear le Seán Ó Cearnaigh, feidhmeannach de chuid an Fhorais, nach bhféadfadh sé ‘buile faoi thuairim a thabhairt faoin deontas in aghaidh an chóip a bhí á fháíl ag Comhar mar nach bhféadfaí sin a ríomh go dtí go raibh tréimhse an chonartha criochnaithe.

Seo an méid a luaitear le fear an Fhorais:

”As continued payments under the contract are subject to periodic progress reviews and the achievement of targets (among them circulation targets) the exact subvention per copy will not be known until the end of the contract period.”

Táimse – agus bhí mé riamh – ar son athbheochan Comhar. Ach níl sin ag titim amach faoi láthair. Is iris é Comhar inar foilsíodh na sár údair Ghaeilge – Máirtín Ó Cadhain, Máirtín Ó Direáin is eile – ach ní h-ionann an chaighdeán i leagan an lae inniu, dar liom.

Féach ar nós*, iris nach bhfuil ag fáil pingin rua ón bhForas, nó Nuacht 24, iris eile atá taobh amuigh de chiorcal órga na meáin Ghaeilge a fhaigheann deontas, agus tuigfidh go bhfuil rud éigean i bhfad níos fearr indéanta ná mar atá á fhoilsiú ag Comhar faoi láthair.

Is mór an náire é.

Dála an scéil, tá comhghairdeas ag dul d’Fhoras na Gaeilge. D’eirigh leis an comhlacht tras teorainn teanga atá freagrach as cur chun cinn na Gaeilge tuarascáíl bhliantúil a fhoilsiú ag tús na seachtaine seo chaite. Is é seo an tuarascáil bhliantúil le h-aghaidh 2004 – ní raibh ach moill CEITHRE BLIANA air.

5 thuairim ar “An chraiceann is fearr á chur ar scéal COMHAR…

  1. Cuairteoir

    Ba cheart do Comhar leanúint ar aghaidh ach tá ceisteanna móra le freagairt ag FnaG. Caithfidh siad é sin a dhéanamh ANOIS!

    Freagra
  2. Cionnath Ó M

    A leithéid de fhíminteacht! Ag gearán faoin dearcadh diúltach atá ag an Tribune faoi dtaobh don Ghaeilge nuair is ríléir gur tusa a chuir iad chuig an Foras (“Ironically, a daily Irish language newspaper was forced to close last December after its funding as cut by Foras na Gaeilge” – sin an giveaway). Muineal práis atá ort, a Chonchubhair. Pé chéad uair eile a bheas ann, cuir isteach ar airgead an Fhorais nó pé dream don irisleabhar míosúil agus cuir isteach ar airgead don nuachtán seachtainiúil agus éirí as an cháíneadh – tá ár ndóthain dilútachais i saol na Gaeilge agus tá ár ndóthain naimhde gan a bheith ag cabhrú leo..

    Freagra
  3. Séamas Ó Neachtain

    A Chionnaith, nach é drochiompar an fhórais agus caitheamh amú airgid croí na ceiste, agus cúis gearráin ‘ár naimhde’? Tá an ceart acu go gcaitear airgead amú, agus nach fiúntach gach a ndéantar ‘ar son na Gaeilge’, agus ba chóir dúinn na fadhbanna seo a réiteach. Nílimse sásta ‘FnG, ceart nó mícheart’ a ghlacadh mar mhana.

    Freagra
  4. igaeilge Údar an Ailt

    Ní mise a chur an Sunday Tribune chuig an Fhoras – is amhlaidh gur scéal é seo a dhéanfadh aon iriseoir a fhiosrú dá mba rud é go raibh fiosracht acu. Tá sé rí léir go bhfuil lúb ar lár ann. Cinnte go raibh mé ag scríobh faoi na ceisteanna seo anseo – cá bhfios go bhfuil daoine ag an Tribune atá ag léamh iGaeilge agus ag lorg scéalta. Cuireann na raitis atá luaite le h-urlabhraí an Fhorais íontas orm níl siad ag teacht le miontuairiscí an Fhorais féin. Bí cinnte dá dtabharfainnse scéal don Tribune, go mbeadh an scéal níos cruinne ná mar atá an scéal sa Tribune.

    Rud amháin eile – ní raibh deis ann cur isteach ar an iris a fhoilsiú mar nár deineadh an chonradh a athfhogairt faoi mar ar chinn an Fhoras go ndéanfaí.

    Níl a fhios agam, áfach, an bhfuil fíor namhaid na Gaeilge in institiúidí ar nós Foras na Gaeilge agus iad ag beartú ar son a leas féin seachas ar son leas na teanga agus pobal a labhartha/léite/úsáidte.

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s