“Níl éinne chomh gaelach le Barack Ó Bama”


Bhí alt ag Fintan O’Toole san Irish Times ar an Satharn agus é ag tabhairt amach faoin amhrán nua, There’s No One As Irish As Barack O’Bama, atá cumtha ag banna ceoil ón mbaile i gContae Uibh Fháilí ona shíolraigh mathair Barack Obama. Dar léis gur díol náire é an amhrán go h-áirithe i gcomhthéacs an stair náireach atá ag Gael Mheirceánaigh ó thaobh an chiníochais de i Meirceá. Bhí ár sinsir páirteach i dtrádáíl sclabhaithe agus bhí baint ag ár sinsir freisin le dreamanna ar nós an Ku Klux Klan – agus an iliomad bealach éile, nocht sliocht na nGael i Meirceá ciníochas i leith sliocht na hAfraice a fuadaíodh chun na tíre sin.

Táim tar éis a rá anseo roimhe nach dtagaim leis an iarracht atá á dhéanamh ag pobail in Éirinn, leitheidí phobal Mhuine Ghaill, seilbh a fháil ar Bharack Obama tre mór is fiú a dhéanamh dá phréamhacha Éireannacha. Gan amhras tá préamhacha Éireannacha ag Barack Ó Bama – ach cheapas gur lú a tabhacht i gcomhthéacs gurb é an chéad uachtarán le préamhacha Aifri-Mheirceánach.

Ach, in ainneoin go bhfuil an leabhar sin léite agam, b’fhéidir nach bhfuil tuiscint iomlán agam ar fheachtas Obama. Tháinig an méid sin chugam tar éis an
litir spéisiúil seo a léamh ar leathnach na litreacha inniu.

An Canónach Ó Néill a scrígh an litir, is eisean údar an bhlag seo. Caithfidh mé a rá gur oscail sé mo shúile in athuair faoin fear seo Obama. Tuigeann seisean gur bhain Obama an Teach Bhán amach gan béim a leagan ar a chine agus tre diultu d’iarrachtaí é a chur i mboscaí.

Is cinnte, áfach, gur cuireadh Fintan O’Toole ina bhosca le freagra ciallmhar agus cuirtéiseach ar an alt gránna a fhoilsíodh Dé Satharn. Tá an claonadh ag an Irish Times altanna gránna, ag caitheamh anuas ar thuiscintí nach iad tuiscintí an nuachtáin ar an Éireannachas, a fhoilsiú leis an cineál seo aisfhreagra a spreagadh b’fheidir.

Maith thú a Chanónaigh!

3 thuairim ar ““Níl éinne chomh gaelach le Barack Ó Bama”

  1. séamus Mac Seáin

    Abhar amhrán eile b’fhéidir “THERE’S NOBODY AS UNIRISH AS FINTAN O’TOOLE” bíonn sé go síoraí ag caitheamh anuas orainn mar dhream nach fiú a dhath sinn.An raibh aon rud dearfach le rá aige ariamh faoin tír arbh as é ó dhúchas?.Ní “cúl le cine” go dtí é.Tá focal ag na hAifri-Mheiriceanaigh ar dhaoine mar sin”Uncle Toms”

    Freagra
  2. igaeilge Údar an Ailt

    Is cuimhin liom an amhrán seo ó Christy Moore ag tabhairt aitheantais do chuairt Ronald Reagan ar Éirinn i 1985.

    Hey Ronnie Reagan, I’m black and I’m pagan
    I’m gay and I’m left and I’m free
    I’m a non fundamental environmentalist
    Please don’t you bother me!

    Ní mór duit smaoineamh, a Shéamuis, nach féidir leat bheith tabhairt ar dhaoine an rud ar mhaith leat go scriobhfaidís a scríobh. Nílimíd go fóill ag máireachtaint faoi do réimeas dheachtóra. Tá cead ag daoine easaontú – tá cead acu pé rud is maith leo a scríobh – chomh fada agus nach ndéanann siad clúmhilleadh. Rinne tusa clúmhilleadh orm agus níor ghabh tú leithscéal go fóill. In áit sin tá tú ag iarraidh an rud a sheachaint. Is clúmhillteoir thú agus, anuas ar sin, níl tú sásta an fód a sheasamh in argóínt nuair a chuirtear na firicí os do chomhair. Téann tú ar do theitheadh.

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s