Des, an droch theanga agus RTÉ

Tá moladh tugtha agam do Des Bishop roimhe seo ar an suíomh – agus tá sé tuillte aige chomh fada is a bhaineann sé liom cé go n-aithním go bhfuil daoine ann nach bhfuil a gcroithe tugtha acu go h-iomlán don bPoncánach Gaelach – nó an é sin an Ghael Poncánach? 

Ar aon nós, thugas faoi ndeara é ar an Late Late Show agus é ag tapú na deise chun an DVD is déanaí uaidh, In The Name of The Fada, a dhíol leis an bpobal mór.  Is léir go bhfuil RTÉ ag súil go saothróidh an craoltóir brabhús ón DVD seo den sraith ar craoladh é níos túisce i mbliana.  Tá sé deacair a shamhlú cén luach a bheadh ar a leitheid d’fhograíocht saor in aisce ar an gclár teilifíse is mó lucht féachana sa tír.   Bheithfeá ag caint ar cúpla céad míle euro gan amhras ar bith.  [Is cinnte go mbeadh sé níos luachmhaire ná an agallamh a deineadh ar Gerry Ryan ar a chlár féin, Ryan Confidential, faoin leabhar nua óna pheann, Will The Real Gerry Ryan Please Stand Up?]

Ar aon nós ní miste liom go bhfuair Des an saor phoiblíocht seo – cá bhfios b’fheidir gur fuair sé táille as.  Fair Play do, mar a deir siad i gConamara!

Rud amháin a chuireann as dom, caithfidh mé a admháil, an droch chaint a bhí ag Des – agus ag fir grinn i gcoitinne – agus iad ar chláracha ar nós an Late Late Show.  An é go bhfaigheann siad airgead breise as gach ‘focal’ sa bhreis a bhaineann siad úsáid as?  Roinnt seachtainí ó shin bhí Tommy Tiernan ar an show agus ba dheacair a dhéanamh amach cén teanga a bhí á labhairt aige ach is cinnte go raibh sé lán le na focail brocacha seo.    D’ardaíodh gleó mar gheall air sna meáin chlóite – nach bhfaca mé an focal s**t i gceannlíne ar an Sunday Independent le déanaí – agus rinne Udarás RTÉ gearán i dtaobh an oiread san droch chaint bheith ar an gclár agus tugadh rabhadh in éadan a thuilleadh dá leitheid, go h-áirithe ar chláracha ar nós an Late Late Show fiú go bhfuil siad á chraoladh tar éis am luí na bpáistí.

Ní ar mhaithe leis na bpáistí atáim ag cur na ceiste anseo faoin oiread droch chaint a bhionn ar chláracha ar nós an Late Late Show go h-áirithe nuair a bhionn fir nó mná grinn ann mar aoíanna.  Ní thaithníonn droch chaint liom féin.  Sin an méid. Cinnte gur úsáideas droch fhocail mé féin – ach ní raibh siad nó ní bhíonn siad agus tá súil agam nach mbeidh siad im chaint chomh flúirseach is gur cumóga a bhí ann.

Ritheann sé liom go bhfuil abhar rúin le h-aghaidh comórtas dreas cainte ag Oireachtas na bliana seo chugainn sa mhéid atá á rá agam – Is túisce droch chaint ná Gaeilge ar RTÉ! 

Ar aon nós, bhí sé go deas an Ghaeilge a chloisteáil ar an Late Late Show cinnte, fiú go raibh cúpla ‘focal’ measctha isteach sa dhioschúrsa ná raibh chomh taithneamhach san. 

Glacaim leis go n-aithníonn leitheoirí iGaeilge go mbionn ana chuid leabhair, DVDanna is eile le díol ag aoíanna an Late Late Show – agus a leathbhadóir, Tubridy Tonight – agus ritheann sé liom gur mór an trua nach mbionn deis riamh ag údar Gaelach a leabhar nó a dhluthdhiosca físe a dhíol ar na seóanna seo, nó a gcomhionann ar an raidió.  Ar eigean, mar shampla, go bhfeicfear Dé hAoine seo chugainn, 28 Samhain,  nuair a bheidh an Seó Bréagáin ar siúl ar an Late Late Show, leabhar Ghaeilge ar bith ann.  Agus is cinnte, in ainneoin a laghad is a dhíoltar leabhair Ghaeilge, go bhfuil caighdeán leabhair do pháistí ag feabhsú leis.  Ní gá ach leabhair ar nós buaiteoir Ghradam Reics Carló, An Phleist Mhór ó Mhóinín, a thabhairt faoi ndeara chun seo a aithint. 

Is cinnte go bhfuil leabhair Ghaeilge dá leithéid á dhíol faoina luach ag an dream ar cheart a bheith a chur os comhair an phobail, Foras na Gaeilge et al. 

Ach ní racht é seo i gcoinne Foras na Gaeilge.  Cad is fiú bheith ag caint leo? 

In ainneoin an mhéid atá ráite agam faoin dhroch chaint a bhionn aige agus é ar an ardán, bíodh sé ag an Late Late Show nó eile, tá níos mó déanta ag Des Bishop ar son na teanga ná mar a dhéanfaidh Foras na Gaeilge choiche leis an gcur chuige leibideach leithscéalach leathchosach atá ag an institiúid teanga tras teorainn.   Guím gach rath ar an DVD nua agus ar a leathbhadóir, Tongues, atá ar díol freisin faoi láthair. 

Go luath, beidh mé ag nochtadh plean ar an suíomh seo a thabharfaidh ardán níos fearr do leabhair, DVDanna is eile i nGaeilge, ardán ar a dheinfear leirmheas neamhspleach ar na saothair chun leid a thabhairt do Ghaeil cad iad a mbuanna. Bígí ag léamh…..

6 thuairim ar “Des, an droch theanga agus RTÉ

  1. séamus Mac Seáin

    de réir mo tháithí féin, a Choncubhair, is é an té is mó mionna móra is lú grinn

    Freagra
  2. igaeilge Údar an Ailt

    Ní fheadar an mbainfeadh sé cinnlínte ar fuaid na meán Bhéarla dá mbeadh fear nó bean grinn ar an Late Late Show nach mbainfeadh feidhm as mionnaí móra nó focail gairsiúla le linn do bheith ag déanamh grinn….

    Is cinnte go bhfuil meas agam ar Des Bishop agus go n-aithním go bhfuil talann agus doimhneas ann ó thaobh na Gaeilge nach bhfuil ag an dara duine den aos grinn lena mbaineann sé. Ag an am chéanna, tá an talainn aige a fhagann nach gá do na mionnaí móra chun gáire a mhealladh ón lucht féachana….

    Freagra
  3. Póló

    Cinnte, tá muid sponsoráilte go bás. Agus is gniomhaiocht coiriúil é seo,go bunúsach.

    Maidir leis na drochfhocla. Níl aon shit i mBleá Cliath. Shite a scaiptear anseo sa mhórchathair.

    Freagra
  4. seanmor

    Tá sárobair déanta ag Des ar son na Gaeilge… rinne sé ábhar plé den Ghaeilge i measc an mhórphobail, agus tá súil agam go gceannóidh cuid mhór daoine na cláracha seo, agus go saothróidh sé féin agus RTÉ cuid mhór airgid astu. Tuigimse nach ionann sin agus athbheochan na teanga, ach b’fhearr liom féin daoine a bheith ag ceannach na n-ábhar seo ná cuid mhór cacamais eile atá amuigh ansin.

    Maidir leis an droch-chaint agus na mionnaí móra… mea culpa, mea culpa… deirtear liom féin go minic go dtéimse thar fóir leis na mionnaí móra. Is cuimhin liom bean as Albain bheith ag gearán liom lá amháin “Do you swear IN FRONT of your children?’ a d’fhiafraigh sí go sotalach díom… ‘I normally be swearing AT them’ a d’fhreagair mé, go bródúil sásta.

    Ach tá rún agam éirí as na mionnaí móra, an oiread agus a thig liom. Bhí mé ag ceolchoirm cúpla oíche ó shin agus bhí an ceoltóir deireanach ag spalpadh mionnaí móra… ‘Tá sin gránna’ a dúirt mé le mo bhean. ‘Sin tusa’ a d’fhreagair sí! Baineadh siar asam…

    Freagra
  5. igaeilge Údar an Ailt

    tá an Ghaeilge beo in aineoin gach iarracht ag an Stat agus ag comhlachtaí ar nos Foras na Gaeilge í a ligint chun báis….

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s