Beart de réir briathar?

Gach Scéal Nua - an cuma a bhféadfadh bheith ar suiomh nuachta ar line

Gach Scéal Nua - an cuma a bhféadfadh bheith ar suíomh nuachta ar line

 

Má tá ciall ar bith le baint as an mhéid a dúirt Gerry Adams, Uachtarán Shinn Féin, inné, ba cheart go mbeadh sé ar a shlí go Londain anois agus é ag déanamh reidh chun cruinniú a bheith aige le Gordon Brown.   Ní h-é go gceapaim gur ceist mór phráinneach é tarrtháil Lá Nua ann féin go mbeadh príomh-aire na Breataine buartha faoi, ach go léiríonn sé an easpa cumhachta atá ag SF sa phroiseas seo.   Tá siad ábalta Humptaí Dumptaí a bhrú den bhfalla agus a bhriseadh ina smidiríní, mar a rinne siad le Lá Nua, ach anois, agus an bhotún a rinne siad tugtha faoi ndeara acu, ní féidir leo í a chur ar ais le cheile.    

Is siombal é cliseadh Lá Nua ar an bhealach atá an phroiseas siochána ar aimhleas an phobail agus nach bhfuil aoinne ach polaiteoirí is stat seirbhísigh ag baint leasa as.   Bhí Lá ann sara raibh an proiseas siochána ann, ghlac sé páirt sa phroiseas sa chiall is gur thuairiscigh sé go macanta an méid a bhí ag titim amach trath go raibh nuachtáin mhóra an Bhéarla agus leitheidí RTÉ gafa ag cinsireacht agus ag gasraí claonta pholatúla.  

Anois, mar thoradh ar naimhdeas institiúid a bunaíodh de bharr an phroisis siochána do chosmhuintir na teanga, an dream a shil allas agus fuil le go mbeadh postanna le pinsin, suiocháin boga agus caifé latté acu ar maidin, tá deireadh ag teacht le Lá [Nua].  Ba cheart go mbeadh an nuachtán bheith faoi bhlath anois seachas a bheith á chur faoin bhfód. 

Tá rud éigean soiniceach ag baint le cinneadh an Fhorais sa chiall is go bhfuil an institiúid teanga – nach brea a oireann an ainm sin, institiúid,  don bhForas – ag tapú na deise chun maoiniú don iriseoireacht chlóite Ghaeilge a ghearradh ó thart ar €600,000 in aghaidh na bliana go dtí €400,000 agus iad ag súil le nuachtán seachtainiúil agus seirbhís nuachta ar líne as seo, chomh maith le feachtas margaíochta tréan chun an nuachtán nua a chur i láthair an phobail.  Níl baol gur féidir seo a bhaint amach ar an airgead atá á thairiscint. 

An rud a mholaimse go ndeintear conradh trí bliana ar €400,000+ sa bhliain a thairiscint do Foinse chun nuachtán seachtainiúil a thairgeadh agus a chur ar fáil, go roinnfeadh Foras na Gaeilge an buiséad margaíochta atá acu féin leis an nuachtán le go mbeadh margú ceart ar an dtionscnamh seo atá á mhaoiniú ag an Fhoras, agus go mbeadh conradh ar leith, ar fiú idir €150,000 agus €200,000 in aghaidh na bliana é, ar fáil do sheirbhís nuachta ar líne, seirbhís a bheadh á uasdatú seacht lá na seachtaine.    

Ní bheadh pingin breise á chaitheamh ag Foras na Gaeilge ar na nuachtáin Ghaeilge nó ar mhargaíocht i 2009 thar 2008 dá nglacfaí le prionsabail an mholaidh sin.   

An bhfuil sé ró mhall ag ionadaithe Shinn Féin, atá ina shuí timpeall bhord an Fhorais, cruinniú eigeandála a ghairm chun cur chuige den tsort seo a phlé agus a aontú?  Nó an amhlaidh ná raibh sa chaint a bhí ag Gerry Adams inné ach focail folmha an pholaiteora, ag caint san aer agus a fhios aige go raibh an port seinnte ag Lá Nua theana féin?

3 thuairim ar “Beart de réir briathar?

  1. séamus Mac Seáin

    tá an suíomh sin ar fheabhas a choncubhair, soiléir agus so léite.Ta an múnla againn níl de dhíth anois ach an tabhar agus tá tusa ag solathair go leor de sin cheana féin an féidir leatsa an dearadh sin a úsáid feasta agus spásanna
    a fhágáil fá choinne daoine eile a theacht isteach de réir a chéile? níl cuid ar bith de seo furast ach níor theip ar fhear an mhisnigh ariamh

    Freagra
  2. igaeilge Údar an Ailt

    Níl ansan ach sampla den chineál rud ar féidir a dhéanamh. An chéad chéim eile dul ag plé le solathróir nuachta agus socrú a dhéanamh leo – níor tháínig an nuacht ón spéir agus caithfear teacht ar chomhthuiscint leis an bunfhoinse – agus ansan ní mór tabhairt faoi aistriú. Tá an suíomh sin á uasdatú nach mór 24/7. Ciallaíonn sin go bhfuil gá le foireann iriseoirí/aistritheoirí. Sílim go bhféadfaí seirbhís den tsort sin, seirbhís le dealramh, a chur ar fáil ar chostas €200,000 in aghaidh na bliana. Beidh gá le h-iarratas a ullmhú don chonradh seo a bheidh á thairiscint agus beidh gá le brú a chur ar leitheidí SF agus daoine eile atá ar bhórd an Fhorais nach bhfuil aon fiúntas le leagan ar líne de Foinse, gur rud eigean ar nós an suíomh thuas atá ag teastáil.

    Sa tslí seo gheobhaidh Foinse cothrom na Féinne agus lucht léitheoireachta na Gaeilge, iad san a bhionn ag léamh na nuachta ar líne, beidh sé ar fáíl i nGaeilge freisin.

    Togra mór é seo agus ní dheinfear é ar shon na cúise amháin ach, freisin, ar son slí beatha d’iriseoirí is eile. Tá an ceacht foghlamtha ón mhéid a rinne Foras na Gaeilge/SF ar Lá Nua – ná deintear faic ar son faic!

    Is cinnte go gceapfaidh daoine gur sanntach is leithleasach an dearcadh é sin – ach is ciall ceannaigh é – agus tá sin níos fearr ná an dhá chiall a mhúintear.

    Freagra
  3. Ping: Feall an Fhorais ar Foinse « iGaeilge

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s