Omós fíreannach nó béalcráifeacht

Inniu ag ocáidí éagsúla i mBéal Feirste, bhí Sinn Féin ag iarraidh a chur in iúl go bhfuil siad ag tabhairt cluas do Ghaeil an tuaiscirt. 

Ar dtúis, ag ocáid i gColáiste Feirste, sheol an tAire Forbartha Reigiúnaí, Conor Murphy, roinnt bileoga Ghaeilge agus cárta glic – smartcard – dhá theangach a bheidh in úsáid ar bhusanna Translink, seirbhís bus chathair Bhéal Feirste.     Ar ndóigh is céim sa treo ceart é agus léiríonn sé go bhfuil iarracht éigean á dhéanamh ag an Aire aitheantas a thabhairt do chearta teanga phobal na Gaeilge.  Is léir domsa, áfach, nach bhfuil i gcúpla bileog agus cártaí glic ach sop in áit na scuaibe….mar is léir nuair a thugann tú cuairt ar shuíomh an DRD.  Dein cliceáil ar aon cheann de na nascanna Ghaeilge ar an leathnach Ghaeilge agus tabharfar tú caol díreach go leathnach Béarla.   

Sa deireadh thiar, is cuma liom faoi bhileoga agus cartaí glice is leathnaigh idirlíne fiú.  Ar éigean go léifidh aon duine riamh na bileoga céanna nó na leathnaigh idirlíne nó ní thabharfaidh siad súntas don Ghaeilge ar an gcárta glic.   

Nuair a bhí deis ag SF – agus feicim go bhfuil Gearóid Mac Adaim  sa phictiúr seo agus é i láthair ag an ocáid – cabhrú leis an Ghaeilge i ndáiríre, tre cuidiú leis an t-aon nuachtán laethúil Ghaeilge, b’iad a chur lámh i mbás Lá Nua/Lá.  Bhí an ráiteas i nGaeilge éagsúil ón leagan Bhéarla.   Ní raibh comhionann na h-abairte seo sa ráiteas Ghaeilge mar shampla: 

“There is no escaping the fact that there will be disruption in the employment of some. It is our hope that this will be short-lived and that anybody unfortunate to lose their job will find alternative position without undue delay.”

Is é mo dhóchas go raibh náire air an ráiteas sin a aistriú go Gaeilge, fiú más droch Ghaeilge féin atá i gceist, ar eagla go mbeadh sé le foilsiú i nuachtáin is in irisí Ghaeilge nó ar shuíomhanna den tsort seo.  Ar aon nós, ar cheist Lá Nua, léirigh Gerry Adams easpa cnamhdroma agus tuisceana. 

B’iad a mhaígh go poiblí faoin éacht a bhí déanta acu, an airgead a bhí sábhailte acu ar son….cé hé?  Go deimhin rinne siad cinnte de, lena ath aithris ar an argóint a bhí ag feidhmeannaigh Fhoras na Gaeilge, faoi ‘easpa margadh’ don nuachtán. 

Ní raibh mé ag an ocáid i bparlús Tom Hartley, Ard Mhéara Bhéal Féirste, fear a bhí cairdiúil i gconaí le pobal na Gaeilge, ach is cinnte go mbeinn ann dá mbeinn i mBéal Feirste.  Ní miste liom ocáidí den tsort seo nó aithním gur rud fireannach é, gur ón croí a thagann sé.   Ach an oiread is le go leor Gaeil eile ó Bhéal Feirste, an dream ar bheartaigh de réir an ráitis: ‘ná h-abair é, dein é’, ní shasófar mé le cúpla greim den mhéar-bhia.  

Tá deireadh ráite agam ar an ábhar seo go fóill – glacaim leis nach n-aontaíonn go leor liom ach ag an am chéanna, ní athraíonn sin mo sheasamh.

2 thuairim ar “Omós fíreannach nó béalcráifeacht

  1. Ping: Athrú poirt Shinn Féin ró mhall chun Lá Nua a tharrtháil « iGaeilge

  2. séamus Mac Seáin

    Ní raibh mé i láthair ag ceachtar den dá ócáid ách tcím pictiúr breá de Maurice Hayes (gabh mo leithscéal an Dr.Maurice Hayes) i bpárlús an Árd Mhéara.Tá an dochtúir cóir iná stiúrthóir ar an Irish Independant.Do bhárúil an bhfuil suim ag an Independant sa chonradh nua do pháipéar úr seachtaine? nó an comhchéilig amháin de bharraíocht í sin?

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s