Geallúintí folmha Gordon

 

Gordon agus an stuif donn.....

Gordon agus an stuif donn.....

Agus é ag labhairt inniu i mBéal Feirste, bhí Gordon Brown ag caint faoi na geallúintí a bhí comhlíonta, dar leis, ag Rialtas na Breataine agus Comhaontú Chill Rimhinn á chur i bhfeidhm. 

Maidir le aistriú na gcumhachtaí faoi phoilíneacht is slándáil, bhí seo le rá ag Príomh Aire na Breataine:

We pledged in the St Andrew’s Agreement that we would be ready to transfer powers one year after the assembly was elected. And we have kept that promise.

Agus níl i gceist anois ach aontú a fháil agus brúfar an cnaipe is síneofar na caipéisí is ainmneofar an aire.   Beidh an cumhacht aistrithe. 

Ach cad faoin ngeallúint a deineadh i leith Acht na Gaeilge, Gordon? Ní raibh tagairt dá laghad id oráid den geallúint eile a rinne Rialtas na Breataine ag Cill Rimhinn. 

I gComhaontú Chill Rimhinn, bhí an méid seo le rá maidir leis an reachtaíocht seo.

The Government will introduce an Irish Language Act reflecting on the experience of Wales and Ireland and work with the incoming Executive to enhance and protect the development of the Irish language. 

Tá an comhaontú iomlán le léamh anseo.  Ach is léir don dall nach bhfuil aon phioc den gheallúint thuas comhlíonta.  Cén obair atá déanta ag Rialtas na Breataine leis an bhFeidhmeannas chun forbairt na Gaeilge a fheabhsú agus a chaomhnú?   Cá bhfuil Acht na Gaeilge? 

Tá’n ceart ag Eoghan O Néill nuair a deir sé gur ar phobal na Gaeilge amháin atá seo ag brath.  Ní feidir brath ar pholaiteoirí nó ar rialtais nó ar dhuine ar bith eile ach na Gaeil féin. 

Mar is léir don dall go raibh láimh ag SF in oráid Gordon Brown inniu – agus, is dócha, go raibh láimh freisin ag an DUP ann -agus má bhí a fhios ag SF roimh ré nach luaifí an Ghaeilge ann nó an geallúint a deineadh faoi Acht na Gaeilge, cén fath nár chinntigh siad go mbeadh tagairt sonrach ann? 

Is beag leo ceist na Gaeilge.  Sin é an fath.   Níl a fhios agam cén tairbhe a dhéanfaidh sé páirt a ghlacadh i mórshiul Pobal, 11 Deireadh Fómhair.  Ach ní dhéanfaidh sé aon dochar.  Cuirfidh sé in iul do na pairtithe, don dá rialtas agus d’aoinne eile lena mbaineann an scéal, nach bhfuil na geallúintí a deineadh i gCill Rimhinn dearúdta ag pobal na Gaeilge. 

 

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s