Faillí eile na Gaeilge

Seo sean phort agam – ach tá gá é a rá arís.   Tá airgead á chur amú ag rannaí stait is eagrais phoiblí ar fhógraí chostasacha dhá theangacha i nuachtáin Bhéarla.

Inniu, san Irish Times, ar Leathnach 11, tá fogra ollmhór dhá theangach ag an “Railway Procurement Agency”. Cén costas?  Tá níos mó ná leath leathnach i gceist – agus is é an costas ar an méid sin spáis, de reir rataí an nuachtáin, €13,250.  

Siombal é an fógra seo ar amaidí na maorlathach i leith na Gaeilge agus an sparán phoiblí.     D’fhéadfaí fógra den tsort céanna i nGaeilge a fhoilsiú i nuachtán Ghaeilge ar nós Lá Nua nó Foinse ar €1,000 nó mar sin.  Mar sin d’fhéadfaí an fógra seo a fhoilsiú i nGaeilge agus i mBéarla ar chostas €7,000.   Coigilteas €6,000 don sparán phoiblí agus cabhair suntasach tugtha do nuachtán Ghaeilge agus do pholasaí an Stáit maidir le cur chun cinn na teanga. 

Ag an am céanna tá giorruithe á dhéanamh i ngach áit de bharr an géar chéim eacnamaíochta.   Mar shampla d’fhograíodh inné go raibh deireadh le scéim ag Comhairle Chontae Chorcaí chun cuidiú le teaghlaigh athchóirithe a dhéanamh ar a dtithe chun iad a chur in oiriúint do dhaoine le míchumas.   Ní fheadar an cuimhin le Fianna Fáil, príomh pháirtí an Rialtais, an manna a bhí acu trath:  Health Cuts Hurt the Old, the Poor and the Handicapped. 

Is é an cineál amaidí atá luaite agam san alt seo an cineál rud a chuireann fearg ar dhaoine i leith na teanga agus a neartaíonn an argóínt acu go bhfuil na milliúin á chur amú ar an dteanga.   Treiseoidh na h-argóintí seo san am atá le teacht de reir mar a chungaíonn an crios…

Is é an fhírinne glan go bhfuil airgead á chur amú ar an maorláthas agus nach bhfuil a dhothain á infheistiú i dtograí Ghaeilge a athróidh an taoide ar son na teanga, tograí ar nós nós* nó Raidió Rí Rá/Anocht FM/Raidió na Life/Ráidío Fáílte. 

Cuirim an locht ar Chomhdháil Náisiúnta na Gaeilge as an bpolasaí earráideach seo.   Agus creidim gur cheart don Choimisinéir Teanga comhairle a chur ar eagrais phoiblí maidir leis an mbealach is eifeachtaí pobal na Gaeilge a shroichint agus tacú leis an teanga agus gurb é an bealach is eifeachtaí fógraí Béarla a fhoilsiú i nuachtáin Bhéarla agus na leaganacha Ghaeilge a fhoilsiú sna foilseacháín Ghaeilge.

2 thuairim ar “Faillí eile na Gaeilge

  1. séamus Mac Seáin

    Tá scéal eile agam a léiríonn (sílim) chomh hamaideach agus ata scéal seo Acht na dTeangacha oifigiúla.Tá cuntas agam le BSL agus an tseachtain seo bhí fógra ar Lá Nua ag rá gur ceart do dhaoine ar mian leo bille i nGaeilge a fháil glaoch nó ríomhphost a chur ar eolas@esb(sic).ie le sin a chinntiú.Níl sean bhille romhaim ag an bhomaite seo ach sílim go raibh an sean bhille dhá theangach,rud a raibh mé sásta go leor leis.An gciallaíonn seo nach mbeidh mé i inimhe Bille Gaeilge a fháil mura néiríonn liom teangbhail a dheéanamh leo ? theip orm go dtí seo ríomhphost a fháil fríd chuig an uimhir.An bhfuil mé nios measa as anois ó thaobh na teanga de agus a bhí mé sul ar cuireadh an tAcht i bhféidhm?

    Freagra
  2. igaeilge Údar an Ailt

    Creidimse go bhfuil. Sílim gurb é an rud a rinne an reachtaíocht sin gur chuir sé ciorcal nua maorlaithis i gcóras a bhí thar a maorlathach mar a bhí. [Naoi gciorcal ifrinn!]

    Faoin mbunreacht bhí cead ag gach saorannach éileamh a dhéanamh ar son cibé caipéis a bhí ag teastáil uatha i nGaeilge, rud ar chiallaigh ná raibh caipéisí gan éileamh orthu á aistriú go Gaeilge. An rud a rinne Acht na dTeangacha Oifigiúla gur chuir sé srian ar an gceart a bhí sa Bhunreacht agus mar sin níl ach na h-eagrais atá scéimeanna aontaithe acu, 50 as 650 ar a mhéid, faoi dhualgas caipéisí Ghaeilge a chur ar fáil agus iad sin go sparálach.

    Bhí rud eile ann roimhe – bhí an cleachtas ann billí a bheith ar fáíl go dhá theangach. Cúpla focal Ghaeilge anseo is ansiúd fiú. Anois tá gach rud á aistriú focal ar fhocal – cur amú, paipéir agus acmhainní na Gaeilge.

    Is cuimhin liom O Cuiv ag déanamh na h-argóna seo ar son Acht na dTeangacha Oifigiúla agus é ag labhairt sa Dáíl chun daoine a bhí naimhdeach don Ghaeilge a chur ar a suaimhneas….

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s