Bertie agus feall eile RTÉ

B’fhéidir go bhfuil cuimhne ró fhada agam. I measc na cuimhní a rith liom agus mé ag éisteacht le laithreoir Morning Ireland ar RTÉ ar maidin  agus í ag tathant ar Willie O’Dea bheith ag amharc ar Bertie Ahern, iar thaoiseach, ag cur i láthair clár spóirt RTÉ, The Road To Croker, anocht, i measc na cuimhní bhí an cuimhne agam ar an oíche úd nuair a dhein micléinn óga agóid faoi chlár teilifíse eile, clár Béarla, bheith á thaifead sa Ghaeltacht. 

The Road To Croker an ‘Quicksilver’ nua?  Bertie Bibi na linne?   RInneadh an eagrán speisialta a thaifeadadh ag Tigh Tabhairne Páidí O Sé ag Ard a’Bhóthair.   

An t-aon difriocht idir seo agus an oíche úd i mBealtaine 1989 go bhfuil TG4 ag craoladh inniu.  Ar an droch uair ní bheidh cothrom ‘The Road To Croker’ ar TG4.  Ní bheidh tuairisciú beo acu ó Pháirc an Chrócaigh Dé Domhnaigh nuair a thugann dhá chontae aghaidh ar a cheile i gcluiche leath cheannais na hÉIreann, dhá fhoireann le captaein ón nGaeltacht – Tomás  O’Sé i gcás Ciarraí agus Antaine O’ Loingsigh i gcás Chorcaí.  

An mbeidh trachtaireacht beo i nGaeilge ar staisiún teilifíse de chuid RTÉ mar chúiteamh?  Ní bheidh ná baol air.    Masla eile ó RTÉ don nGaeilge.  Feall eile ar an dteanga le breacadh i leabhar dubh an reiteora. Tá sé in am an carta dearg a thaispeáint!

3 thuairim ar “Bertie agus feall eile RTÉ

  1. séamus Mac Seáin

    ar an droch uair is é an tairgead a ríalaíonn cúrsaí cumarsáide na hÉireann an lá atá inniú ann. cad é an tairgead a ghlacfadh sé le go mbeadh an cluiche le feiceail ar RTé agus TG4 ag an am amháin? fíor bheagán ó thaobh na techneolaíocht de déarfainn.ansin thiocfadh le TG4 nó RNG trachtaireacht a chur leis.Bheadh rogha éascaí ag daoine ansin.Níl a fhios agam ar chuir duine ar bith sin roimhe na húdarais cuí ?. Bhí réiteach amháin ag Cultúrlann McAdam/ÓFiaich i mBéal Feirste ar an fhadhb sin sna blianta a chuaigh thart.Bhíodh sé de nós acu na cluichí a tháipeáint ar scáileann mór, an fhuaim a mhuchadh agus trachtaireacht RNG a chur taobh leis.D’oibrigh sé go maith agus ócáid theacht le chéile ag Gaeil a bhí ann.Go pearsánta bhéinn sásta roinnt púnta a íoc ar an trachtaireacht a bheith agam i nGaeilge.Is féidir go bhfuil daoine eile amuigh ansin a d’íocfadh fosta.Seans ar bith go mbeadh TG4 pro gníomhach ar an abhar seo?

    Freagra
  2. igaeilge Údar an Ailt

    Bhí reiteach na Cultúrlainne go maith mar réiteach chun bearna a líonadh – ach an rud atá á mholadh agamsa is reiteach buan é, deis le tapú chun an Ghaeilge a chur i láthair an phobail mhóir ar bhealach tarraingteach. Tá airgead ag an Ciste Craoltóíreachta agus ag TG4 agus ba cheart go mbeadh siad abalta seo a dhéanamh gan tusa nó mise ár lámha a chur inár bpócaí.

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s