Nós* úr amuigh – agus leagan clóite le teacht

 

Angelina Jolie - cailn chlúdaigh an eagráin is déana de nós*

Angelina Jolie - cailín chlúdaigh an eagráin is déanaí de nós*

Is cosúil go bhfuil sé i gceist nós* a eisiúint mar iris chlóite.   Beart cróga é seo ach nílim cinnte an beart ciallmhar é. 

Iris den scoth é nós* gan aon amhras.  Léiríonn sé dánacht agus iltallann glúin óg na Gaeilge.  Tá sasamh ann le h-aghaidh gach mian – sea, a Chailín sa Chathair, táim ag caint ort! – agus  is léir dom go mbeadh sé ina mhaisiú ar aon seastán irisí i nuachtánaí ar bith. 

Ag an am chéanna, nuair atá tú ag clóbhuaileadh iris, tá costas ort an cló a dhéanamh agus ní mór duit líon mór cóipeanna a fhoilsiú chun teacht ar an rud ar a dtugtar ‘eacnamaíocht an scála’.   Anuas ar sin, bionn ort an iris a dháileadh.   Bionn costas ar sin freisin, mura bhfuil tú chun é a dháileadh trí ghréasán oibrithe deonacha agus ní mhairfidh sin go brách. 

Mar sin, creidim gur fearr i bhfad a bheidh nós*, atá ag fás leis, má fhanann sé ar an idirlíon agus acmhainní a threorú i dtreo suíomh iomlán idirlíne a fhorbairt agus fógraíocht a dhíol mar sin. 

Ach fiú mura nglactar leis an comhairle seo – an ciall a cheannaigh mé go daor – glacfaidh mé sintiús agus fáilte le nós*.  Is brea liom é.  Is é an t-aon foilseachán Ghaeilge ar fiú é a fháil ar sintiús.

7 dtuairim ar “Nós* úr amuigh – agus leagan clóite le teacht

  1. Fearn

    Bhal, tá n*s molta dá mbeinn im thost.

    Dála an scéil “barainn scála” atá i gceist agat!

    Freagra
  2. séamus Mac Seáin

    tá moladh mór ag dul do na daoine óga ata ag cur na hirise seo ar fáil. tá an dearadh go fíor mhaith.Tá mé ró-sheán leis an abhar ata ann a mheas ach má éiríónn leo an dream óg a bhaint amach déanfaidh siad éacht. Éacht nios mó arís a bheas ann má éiríonn leo é a dhíol nó is dream daoine sinn na Gaeil ata go fíor dhona ag díol aon rud.Ní h- eadh go bhfuil se do dhéanta ach go bhfuil muid go holc ina cheann.Dar leat go bhfuil fáitíos orainn iarraidh ar dhaoine aon rud a cheannacht uainn.Féach an díolaíocht íseal ata ar Lá Nua ,Foinse,srl.Ní thig le duine ar bith a rá liomsa nach bhfuil léitheoirí amuigh ansin ach muid dul á lorg.In áit a bheith ag déanamh stáidéar ar sheán Ghaeilge agus ar chanúintí cáilte Co.an chláir níor mhisde do istitiúidí tríú leibheal na tíre cúrsa maith díolachán a fhobairt ach má éiríonn le Nós galar an neamh díolacháin a leigheas tabharfaidh siad réabhlóid i gcríoch.Go néirí leo.

    Freagra
  3. igaeilge Údar an Ailt

    Ní féidir leat leitheoirí nua a aimsiú gan córas ceart chun na h-irisí a dhíol. Níl amhlaidh ag Lá Nua nó ag Foinse – níl aon fhoireann ag díol na nuachtáin sin agus tá gá lena leitheid.

    Nuair a bhíos le Lá Nua, ní raibh aon duine ag díol sintiúis agus ní doigh liom go bhfuil go fóill. Creidim anois nach bhfuil sé i gceist go mbeidh Lá Nua ann tar éis na Nollag, nuair a thagann deireadh leis an gconradh agus más fíor sin ní doigh liom gur fiú bheith ag cur a thuilleadh airgid amú air agus é a chur amach idir seo agus sin. Is trua liom sin mar chuir mé mo chorp agus m’anam sa nuachtán agus mé ag obair ann agus ba mhaith liom aiseirí a fheiceáil. Aiseirí ar nós aiseirí Chorcaí sa dara leath in éadan Chiarraí! Tá idir bhainistíocht an nuachtáin agus Foras na Gaeilge tar éis é a ligint síos.

    Ach má táim éadochasach i dtaobh Lá Nua, ní h-amhlaidh an scéal faoi Nós*Tá glúin nua ann anois – iompródh nós* an lochrann ar feadh seal. Is é mo chomhairle ná go seachnodh siad na botúin a rinne Lá Nua agus Foinse – go gcoinneoidís an t-airgead atá acu san ábhar mar níl fhios agam an fiú an tairbhe an trioblóid bheith ag díol irisí Ghaeilge murach, mar shampla, trid na gCumainn Gaelacha i ngach ollscoil a dhíolfar é. Caithfidh go bhfuil cúpla míle ball i gceist ansin ar aon nós! Ní doigh liom gur fiú é a dhíol tríd an ghnath chóras – cosnóidh sé an iomarca airgid é a dháíleadh agus beidh costas níos mó ar an iris a dhíol sa nuachtánaí ná mar a bheidh le fáil ar ais agat. Is amhlaidh an scéal le Lá Nua agus, táim cinnte, le Foinse.

    Freagra
  4. séamus Mac Seáin

    i mbeagán focal ‘sé an rud ata mé ag maíomh gur cheart toiseacht le pleán ceart díolaíochta fiú sul a dtosaítear ar an abhar a chur le chéile agus duine a aimsiú ata sásta an obair a chur isteach leis an phleán a chur i gcríoch ( agus níl mórán acu sin i measc lucht na Gaeilge)sin rial a haon imo bharúil le go néireochadh le foilseachán ar bith i dteanga ar bith.

    Freagra
  5. séamus Mac Seáin

    dala an scéil ba mhaith liom béim a chur ar an fhocal ” Díol”. ní margaíocht ata i gcéist agam, a bhfuil neart de á dhéanamh ag lucht na Gaeilge i gcónaí ar bheag a mhaith.

    Freagra
  6. Concubhar O Liatháin

    Ar ndoigh is é an focal sin ‘Diol’ an focal ceithre litreach nach luaitear os ard i gcomhluadar na nGael. Ní easaontaím leat. Tá gá le foireann diolachán lán aimseartha lán téigir a fháil chun aon iris nó foilseachán Ghaeilge a dhíol. Ní dhéanfaidh sé an gnó le daoine páirt aimseartha gan a gcroí istigh sa tionscnamh.

    Freagra
  7. RG Cuan

    De réir mar a thuigim é, beidh nós* ar fáil i bhfoirm síntiús go príomha, rud a laghdóidh na costais go mór.
    Rud eile, toisc gur Gaeil óga atá ina bhun, táim cinnte go mbainfidh siad leas as na Cumainn Ghaelacha, nó sin an príomhmhargadh s’acu go bunúsach.

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s