Cúig Mholadh Éasca II

Gran Turismo - cluiche Playstation a bhionn á imirt ag an t-aos óg  agus iad san nach bhfuil chomh h-óg

An dara moladh atá agam, baineann sé le cluichí freisin.  Cluichí riomhaireachta atá i gceist an uair seo áfach, cluichí do leitheidí an Playstation 3, an Wii agus an X-Box.  Bheadh orainn freisin leithéidí an PSP agus an Nintendo DS a chur san áireamh. 

Suas le €40-€70 a chosnaíonn na cluichí seo – san áireamh sa phraghas seo tá 21% cáin breis luacha.  

An moladh atá agamsa go dtabharfar spreagadh do chomhlachtaí agus do thuismitheoirí araon cluichí le leaganacha Ghaeilge a cheannach.  Mholfainn nach mbeadh aon gá CBL a íoc ar na cluichí seo, rud a mhaolódh an chostas ar thuismitheoirí agus, le cois sin, spreagfadh sin breis éilimh.   Os rud é go bhfuil sé mar sprioc ag an Rialtas an Ghaeilge a spreagadh i measc na n-óg, ba leor sin mar chúiteamh ar an easpa ioncaim. 

Mholfainn freisin go ndéanfaí coimisiúnú ar shraith chluichí ar leith bunaithe ar scéalta Fhionn Mhic Cumhaill agus Chú Chulainn.  Dá ndéanfaí margaíocht ar seo mar is ceart, d’fheadfadh sé bheith ina shruth ioncaim.   Agus cad faoi cluiche bunaithe ar ghramadach na Gaeilge, a la Test Your Brain – le h-aghaidh an DS….don aos fásta suas….?

Tá daoine ann a chreideann nár cheart go mbeadh paistí óga, idir buachaillí agus cailíní, ag imirt na gcluichí seo ach fhaid is atá siad tá sé chomh maith dúinn na cluichí a úsáid chomh fada agus gur féidir linn iad a mhealladh i dtreo na Gaeilge….

Aon tuairim amháin ar “Cúig Mholadh Éasca II

  1. aonghus

    Táid ann cheana, ag Fios Feasa.

    http://www.fiosfeasa.com/gaeilge/earrai.html

    ACH – cosnaíonn forbairt cluichí an dúrud airgid. Deánann fiosfeasa a ndícheall, ach táid i gconaí céim nó trí chun cúil ar a niomaíocht as Béarla nó mór théanga eile.

    Cheannaigh mé cluichí s’acu cúpla uair. D’imir na gasúr uair nó dhó iad, ansin bhí siad ag bailiú deannaigh, toisc an earra Gearmánach nó Béarla a bheith níos spleodraí.

    Scéim aistriúcháin atá de dhíth – ach an baol ann nach nimreofar na cluichí ansin fiú toisc seantaithí a bheith ag na gasúr ar an leagan Bhéarla.

    Bheadh orainn dul i gcomhphairt le muintir an Chianoirthear, agus na cluichí ar bheith ar fáil i nGaeilge roimh an leagan Béarla. B’fhiú an iarracht a dhéanamh.

    Seo iarracht fónta eile – saor in aisce. D’imir mo mhic uair nó dhó é:

    http://www.nanoquest.ie/g_home.html

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s