Athghabhail na hÉireann ≠ Athghabhail na Gaeilge

An ionann seo agus admháil go raibh an ceart ag an dream a shiúl amach i 1915?

Céard a cheapfadh Conradh na Gaeilge 1915 faoi Chonradh na Gaeilge na linne seo?   Sin í an cheist a thógaim (nó, fiú, mar a deir siad ar Foinse, TG4 agus RTÉ RnaG, a ardaím![Béarlachas how are you!]) tar éis gur fhógair an eagras náisiúnta Ghaeilge go mbeadh sí ag cur deireadh leis an sprioc a bhí ag an eagras ‘pobal náisiúnta saor Gaelach a chothú’, de reir phríomh scéal Lá Nua inniu. 

Aon duine ar chuimhin leo a gcuid staire,  bheadh a fhios acu gur ag Ard Fhéis na bliana sin a tharla scoilt atá go fóíll ag cothú easaontais i measc chainteoirí Gaeilge.  Shiúl Dúglás de hIde ón Ard Fheis nuair a glacadh leis an rún, gurb é an sprioc nua a bhí ag an eagras ‘Éire ní h-amháin Gaelach ach Saor chomh maith, ní h-amháin Saor ach Gaelach chomh maith’ a bhaint amach.    

Beart ciallmhar é seo ag an Chonradh – den chéad uair tá siad chun tosaigh ar an CLG.   Roinnt blianta ó shin ní bheinn tar éis aontú leis nó, an uair sin, mhothaigh mé narbh fhiú an cheangal a bhriseadh.  Anois táim tagtha ar mhalairt tuairime – ba bhagaiste é an sprioc seo ón aois seo chaite agus bhí iompar an bhagaiste ag moilliú an gluaiseacht i dtreo priomh aidhm an eagrais a bhaint amach.  Anois tá sé sin soiléir agus ní féidir dul thairis:  Is í aidhm na h-eagraíochta an Ghaeilge a athréimniú mar ghnáth theanga na hÉireann. 

Nuair a mheabhraíonn tú ar an sprioc sin, leis féin, is leor é mar sprioc d’aon eagras.  Fagtar an pholataíocht ag na polaiteoirí- is faoi phobal na Gaeilge atá sé tabhairt faoi na h-oibre seo maidir le h-athreimniú na teanga.  Dar liom féin, má bhaintear amach an sprioc sin, beidh an saoirse atá de dhíth ormsa bainte amach agam…..

5 thuairim ar “Athghabhail na hÉireann ≠ Athghabhail na Gaeilge

  1. aonghus

    Aiméan.

    Agus ó tharla iad a bheith ag glacadh le baill aonair anois, seans go rachaidh mé leo. (Níl an t-am agam do craobhacha, agus níor mhaith liom gan mo cion a dhéanamh dá mbeinn im bhall de chraoibh)

    Freagra
  2. igaeilge Údar an Ailt

    Go raibh maith agat as cuairt a thabhairt a Mhichíl. Abair led chairde ar fad cuairt a thabhairt – beidh fáilte rompu i gcónaí.

    Freagra
  3. séamus Mac Seáin

    fuair mé an teachtaireacht sin a choncubhair go raibh maith agat.An bhfuil ríomhphost eile agat seachas nuacht.com?

    Freagra
  4. Marty

    Tagaim leat, a Chonchubhar. Is cuma liom cén dearcadh amaideach atá ag aon dhuine maidir le cúrsaí polaitíochta. Ba bhreá a bhieth ag éisteacht leis agus ag díospóireacht leis trí mheán na Gaeilge. Tá jab mór go leor ag CnaG leis an Ghaeilge. Fag an Phoblacht Úr faoi dhaoine eile!

    Freagra

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s