“Is é breitheamh an aighnis an scairteadh gáirí”
An Cuireadh
Fáilte agus fiche go Dáimhscoil Mhúscraí
Roimh baird agus éigis lucht léinn is filí
Fágaíg bhúr mbuartha, bhúr mbrón is imní
Is bíodh caidreamh bhúr gcarad ag ardú bhúr gcroí
Fáilte roimh an ógra , cáilíní agus buachaillí
Fáilte roimh an ngasra ó Chathair Chorcaí
Fáilte roimh an geaingiléirí ó Contae Chiarraí
Fáilte roimh na sluaite ó bhailte Mhúscraí
Beidh ceist chrosta chealgánta ó pheann an rúnaí
Le suaitheadh, le fregairt, le h-áiteamh teasaí
Cé ná beidh baol an go raghfar chun dlí
Agus sé breitheamh an aighnis an scairteadh gáirí
Beidh lucht ráidió agus páipéar is an uair seo TV
Ag scaipeadh is ag alpadh dánta is dréachtaí
Beidh Betsy is an bhantracht ag réiteach cóir bídh
A shásóidh gach éinne gan bhagairt gardaí
An Monsignor Pádraig Ó Fiannachta
An tUachtarán
An Cheist ag Dáimhscoil Mhúscraí Uí Fhloinn
Ag an Dáimh Scoil i Múscraí gach bliain, cuirtear ceist cealganta faoi ábhar éigean, bionn baint aige le cúrsaí reatha go minic, chun ábhar machnaimh a thabhairt do na filí is na rannairí.
Ceist na Dáimhe
Im aonar dom ag spaisteoireacht
An spéir im thimpeall scamallach
Anuas dem dhruim am’ thachtadh ’steach
Lem smaointe duairce damanta
ag casaoid leis an saol
Ansan braon is míle fearthainne
Do raid anuas go tarcuisneach
Ag sileadh síos go talamh uaim
na dhíle fuar bréan
Do rith trím chroí cás Rafteirí
Ar bord Áth Cinn ag taisteal do
Le na bhaitin bán ag priocadh leis,
is a mhaidrín dílis fairis riamh
Gan amharc ar an saol.
Nach daille sinn ná Raifteirí
nach mí-adhmharai, nach bascaithe
Le rialtóirí gan faic acu ach glam agus béic
A chaith na miliúin airgid,
d’fhág sinn sa draoib mar bhacachaibh
Ag iarraidh déirc ar sheandaoine
ní áirím na mic léinn.
Nach aithis is nach eascaine a bhfuil le fáil ag na h-airí sin
Iostas cuí is tiománaí ar bhóthar nó san aer.
Ní fios cé méid ins na h-oifigí ná luach stampaí ar litreacha
Nách suimiúla a bheadh na billí sin
dá ndíolfá iad tú féin.
Peadar Ó Liatháin
An Cléireach
An Sean Bhean Bhocht i 2009
Tá an tír seo anois i bponc a deir an tSean Bhean Bhocht
De bharr na fiacha ag na bainc arsa an tSean Bhean Bhocht
Beimíd go léir ag íoc go daor
As praiseach na millionaires
Is ní bhéimíd saor go n-éag arsa an tsean bhean bhocht.
An bhfuil aon réiteach ar ár gcás a deir an tsean bhean bhocht
Aon leigheas ar an bprachás arsa an tsean bhean bhocht
Táimid faoi ghruaim ag an lágtrá
Ag dul in olcas ó lá go lá
Agus ní bhéimíd saor go brách arsa an tSean Bhean Bhocht
Gabhaimis buiochas lenár gcinnirí arsa an tSean Bhean Bhocht
Idir airí agus teachtaí arsa an tSean Bhean Bhocht
Is doibh siúd ar cheart bheith buioch
As an éadóchas seo go leir
Is nár iocamar iad go daor arsa an tsean bhean bhocht
Nach iad a thuill a gcostaisí arsa an tSean Bhean Bhocht
A bpá is liúntaisí arsa an tSean Bhean Bhocht
Tréis a thoghamar iad i Naid a Seacht
Ba ghairid chughainn an ‘shock’
Agus anois tá an tír bacach arsa an tSean Bhean Bhocht
Cad atá i ndán don bhreakfast roll arsa an tsean bhean bhocht
Arán feoil agus cholestrol arsa an tsean bhean bhocht
An córas sláínte beidh sé buioch
As an teip sa building trade
Agus nach orainn a bheidh an ‘shape’ arsa an tsean bhean bhocht.
Ní cuimhin liom riamh bheith bocht arsa an tsean bhean bhocht
Ach ní ormsa atá an locht arsa an tsean bhean bhocht
Beidh na glúinte im dhiaidh ag díol
De bharr gur thiomáineamaran spraoi
Nach acu a bheidh an taithi arsan an tsean bhean bhocht
Tá an Tiogar Cheilteach anois ar fán arsa an tsean bhean bhocht
Tá sé imithe leis thar sáil arsa an tSean Bhean Bhocht
Soir go dtí an Pholóinn
Is ó thuaidh go dtí an Eastóin
Agus beimíd go luath ar a thóir arsa an tSean Bhean Bhocht
Ar an dtír seo fadó fadó, arsa an tsean bhean bhocht
Bhí meas is omós arsa an tsean bhean bhocht
Ach anois tá an géar chéim
Is tá ár stór ag dul i léig
Is tá máistrí nua á thuar arsa an tSean Bhean Bhocht
Beidh an IMF chugainn go luath arsa an tsean bhean bhocht
Is ansan beidh orainn dua arsa an tsean bhean bhocht
Ioc as ár gcuid billí
Cíos is ús is dí
Is cá bhfaighimíd an LSD arsa an tSean Bhean Bhocht.
Anois tá gá le ceannairí arsa an tsean bhean bhocht
Ach táimíd I bhfainne fí arsa an tsean bhean bhocht
Nó gach aon toghchán
Is sinne bhionn i sáinn
Agus deintear dínn amadáin arsa an tsean bhean bhocht
Tá réiteach agam don fhadhb arsa an tsean bhean bhocht
Cuirfimíd iad thar faill arsa an tsean bhean bhocht
Agus tosnóimid an jab arís
Gan craos, gan saint gan baois
Nach agam atá an fís arsa an tsean bhean bhocht
Nuair a tionóladh an chead Dáil arsa an tSean Bhocht
Gan Fine Gael ann ná Fianna Fáíl arsa an tSean Bhean Bhocht
Ar thuig siad gurb é seo an crioch
Ar a réabhlóid faobhrach fioch
Tír go doimhin i bhfiach arsa an tsean bhean bhocht
Concubhar O Liatháin
Dáimhscoil Mhúscraí Uí Fhloinn – seod i saol na Gaeilge
Reachtáladh Dáimhscoil Mhúscraí Uí Fhloinn oíche Dé Satharn agus, mar is ghnáth, bhí slua mór filí is rannadóirí, agus lucht éisteachta le cois, i láthair don bhféasta bhliantúil filíochta is craic seo.
In Ostán Ghobnatan i mBaile Mhuirne a tionóladh an t-aon chúirt filíochta de reir an sean thraidisiún atá fagtha sa tír. Tá sé á reachtáil gan stad ó 1925 agus bhí cúirt filíochta á reachtáil roimhe sin i Múscraí ag deireadh an 18ú aois, trath go mbíodh leitheidí Aodhgán O Rathaille ag freastal ar an gcúirt a bhíodh ag Múintir Iarfhlaithe i mBaile Mhuirne.
I mbliana bhí cuireadh an Uachtaráin, caointe orthu san a cailleadh le linn na bliana, ina measc Dónal O Liatháin agus Treasa Ní Mhúineacháin, agus an ceist cealganta ó Chléireach na Dáimhe, Peadar O Liatháín.
Chomh maith le sin, bhí dánta agus amhráin nach iad ann agus is sampla maith é seo an amhrán seo ó Eílis Maidhcí Uí Shúilleabháin faoi turas a thug sí ar Bharcelona lena fearcéile.
Beidh tuilleadh míreanna ón Dáímhscoil le feiscint anseo sna laethannta romhainn.D
Eolas ábharach
Seo griangraf díom agus mé ag spaisteoireacht sna sleibhte i Múscraí le déanaí...
Cé mise?
Is mise Concubhar Ó Liatháin, blagarthóir an bhlaig seo. Bhí mé go dtí Feabhra 2008 im eagarthóir ar an nuachtán laethúil Ghaeilge, Lá Nua. Táim anois im chónaí i gCúil Aodha, an sraid bhaile i nGaeltacht Mhusgraí inar tógadh mé. Táim pósta ar Caroline agus tá beirt phaiste againn, Art (6) agus Danú(3).
Rinne mé cúpla iarracht tús a chur le blag laethúil roimhe seo ach de bharr mo chúramaí mar eagarthóir, ní raibh an am agam tabhairt faoi mar ba mhaith liom. Tá an suíomh seo á thogáíl agam de reir a cheile agus beidh mé buioch as bhúr foighid. Bheinn buioch freisin as aischothú uaibh.
Ní miste liom a lua ón tús gur blag é seo nach mbeidh ag fáil nó ag lorg aon chabhair deontais ó aon fhoinse Stáit. Ciallaíonn sin go mbeidh sé neamhspleach agus má bhionn sé claonta, is claontaí an eagarthóra féin a bheidh á nochtadh.Creidim go laidir go bhfuil gá le h-earnáil eigean sna meáin Ghaeilge nach bhfuil ag brath ar dheontais nó iocaíochtaí stait.
Anois tá an t-idirlíon againn agus is féidir foilsiú beag beann ar lámha marbha an mhaorláithis.
Foláireamh Cruinnis Agus Stíle
Sara léann tú an blag seo, bí ar an eolas go bhfuil sé ráite faoi bhlagarthóir an suímh, an t-é atá thuasluaite, go bhfuil dearcadh ‘laissez faire’ aige i leith cruinneas is stíl na Gaeilge agus freisin go bhfuil sé ‘abhairín scaoilte’.
MÁS FOGHLAIMEOIR GHAEILGE THÚ, D’FHÉADFADH SÉ DOCHAR BUAN A DHÉANAMH DOD’ CHRUINNEAS TEANGAN BHEITH AG LÉAMH iGaeilge.
An Druma Mór- Cuardach ag dul ar aghaidhDon tríú lá as a chéile táthar ag leanúint den chuardach do Brian Ó Tuama, fear óg as Baile Mhuirne, atá ar iarraidh i gcathair Chorcaí. Tá na céadta Garda agus daoine de bhunadh na háite ag cuidiú leis an chuardach agus chuardaigh tumadóirí aibhneacha sa chathair chomh maith.
- Dúnmharú Finbarr FahyTugadh garmhac leis an phinsinéir a maraíodh in Ard Raithin na Gaillimhe Dé Céadaoine os comhair na cúirte aréir agus é curtha ina leith gur mharaigh sé a sheanathair. Cuireadh Gearóid Fahy siar faoi choinníoll.
- Taisme i mBaile Átha Cliath - bean marbhTá na Gardaí ag ceistiú fir faoi eachtra a maraíodh bean ann i mBaile Átha Cliath ar 2.15 ar maidin. Chuaigh carr ó smacht agus bhuail isteach i scaifte de dhaoine a bhí ag seasamh taobh amuigh de teach tábhairne Kavanagh i bhFionn Radharc. Fuair bean 53 bliain d'aois bás agus gortaíodh triúr duine eile. Tá an tiománaí á cheistiú agus tuairim ann go rai […]
- Cuardach ag dul ar aghaidh
- Gaelport
- 5 phost mar aistritheoirí sa Lár-Aonad Aistriúcháin fógarthaTá curtha in iúl ag an Aire Gnóthaí Pobail, Tuaithe agus Gaeltachta, Éamon Ó Cuív T.D., gur fógraíodh poist mar aistritheoirí sa Lár-Aonad Aistriúcháin sa Roinn Gnóthaí Pobail, Tuaithe agus Gaeltachta inniu. Bunaíodh an Lár-Aonad Aistriúcháin seo tar éis don Stát gealltanas a thabhairt don Chúirt Uachtarach i gcomhthéacs achomhairc a bhaineann le haistriú Io […]
- Inneall Aistriúcháin níos fearr ná Google Translate! Le déanaí chuir an comhlacht idirlín Google seirbhís aistriúcháin ar fáil do Ghaeilgeoirí dar teideal Google Translate. Tugann Google Translate an deis d’úsáideoirí idirlín a gcuid torthaí cuardaigh ar shuíomhanna idirlín i dteangacha iasachta a fháil i nGaeilge. Ach ó shin i léith tá easaontas ann ar cé chomh fiúntach is atá an córas sin agus anois tá cain […]
- Ionadaíocht ar 26 teanga ag Comhdháil Mhá Nuad Beidh ionadaithe ar son 26 teanga ó 31 tír i láthair nuair a thionólfar an 37ú Cruinniú de chuid an Association of Language Testers in Europe (ALTE) faoi scáth Ollscoil na hÉireann Má Nuad in Óstán Carton House ón 11-13 Samhain. Is é téama na comhdhála ná “Tástáil na dteangacha neamhfhorleathana i gcomhthéacs ilteangach”.
- 5 phost mar aistritheoirí sa Lár-Aonad Aistriúcháin fógartha
- nós*
- buaigh eitiltí go Londain!Is maith linn bheith fial flaithiúil anseo ag nós* – agus ba mhaith linn tuilleadh síntiúsóirí a fháil chun forbairt a dhéanamh ar an iris – mar sin tá tairsicint speisialta á cur ar fáil againn idir seo agus deireadh na bliana. Má cheannaíonn tú síntiús bliana don leagan clóite de nós* roimh Lá Nollag, cuirfear [...]
- tuilleadh aitheantais do nós*Is deas an rud é i gcónaí nuair a aithnítear do chuid oibre agus tá an-áthas orainn anseo ag nós* gur tháinig cúpla gradam agus ainmniúchán inár dtreo le cúpla mí anuas. Tugadh aitheantas dúinn ar dtús ag na Irish Webs Awards ag tús mhí Dheireadh Fómhair nuair a bronnadh an gradam, ‘An Suíomh Gaeilge Is [...]
- seachtain mhór cois cuainIs gnóthach an chathair í Béal Feirste an tseachtain seo le himeachtaí ag tarlú gach oíche i suíomhanna éagsúla ar fud na cathrach. Dé Máirt 10 Samhain is i gCumann Chluain Ard a bheas an chraic ar fad le Tráth na gCeist agus oíche mhór cheoil ar siúl sa chlub ar Shráid na Scéiche. Ócáid í seo [...]
- buaigh eitiltí go Londain!
-
Na freagraí is déanaí
aonghus on Dá bhfaighinn mo rogha den tri… séamus Mac Seáin on Dá bhfaighinn mo rogha den tri… séamus Mac Seáin on Brian ‘Rafa’ Cowen… An Dubhaltach on Brian ‘Rafa’ Cowen… Mise Áine on I ndíl chuimhne…. Gradaim Blagála na hÉireann 2009
Buaiteoir, Gradam Blagála, Oireachtas na Gaeilge 2008
-
Archives
- November 2009 (16)
- October 2009 (11)
- September 2009 (22)
- Lúnasa 2009 (16)
- July 2009 (40)
- June 2009 (68)
- May 2009 (51)
- Aibreán 2009 (51)
- Márta 2009 (44)
- February 2009 (50)
- January 2009 (43)
- Nollaig 2008 (28)
-
Categories
-
RSS
Entries RSS
Comments RSS
