Nuacht 24 – comharba Lá i gcló

Bí ag caint ar an fheinics a aiseirigh ó luaithreach an tine. Maireann spiorad Lá beo i mBéal Feirste.  Tá a fhios agam go bhfuil a fhios agaibh faoi An Druma Mór agus an seirbhís nuachta den scoth atá á chur ar fáil aige ach seo seirbhís breise ó lucht seinnte an Druma.

Cad é Nuacht 24 ach nuachtán brea snásta lán dáite!  Rinné mé a íoslódáil inniu agus, ar ball, béarfaidh mé chuig m’uncail Peadar é.  Bhí sintiús ag Peadar le h-aghaidh Lá/Lá Nua – agus  bhain sé an sult as i gcónaí, mar a bhaineadh m’athair, Dónal, suaimhneas síoraí dá anam.

Ní h-é nach bhfuil cleachtadh aige ar an ríomhaire ach is cinnte gur fusa do foilseachán ar nós Nuacht 24 a léamh ná bheith ag léamh ar an scáileán.

Ar aon nós, tá Nuacht 24 ann anois agus go maire sé.  Ba cheart do lucht a fhoilsithe bealach éigean a aimsiú chun deis a thabhairt do dhaoine sintiús airgid a chur ar fáil doibh – tá bealaí ann ar nós Paypal nó uimhir cúntais bainc a bheith acu le h-aghaidh dochar díreach.

Is brea liom seirbhís saor in aisce, gan amhras, ach ba mhaith an rud é freisin dá mbeadh luach saothar le fáil ag an dream cróga seo, rogha na coitantachta theana féin don ghradam ‘Gael na Bliana’ 2009!