An bhfuil Gaeilge ag do ’satnav’?

 

Bí cinnte agus Gaeilge a mhúineadh dod 'sat nav'

Agus an chaint á dhéanamh faoin baol do  thurasóirí dá mbeadh comharthaíocht i nGaeilge amháin taobh amuigh agus taobh istigh den nGaeltacht le h-aghaidh bailte is cinn scríbe Gaeltachta, deineadh dearmad ar an dteicneolaíocht.

 

Nó tá tuairisc faighte agam ó chara faoi chustaiméir a bhí ag iarraidh teacht ar chuairt chuig a chomhlacht agus gur chláraigh ‘Cúil Aodha’ sa ‘Sat Nav’.

 Chriochnaigh an chustaméir i nGúgán Barra. 

In ainneoin go bhfuil na ’sat navs’ seo inúsáidte in Éirinn, níl Gaeilge acu.  Cad a dhéanfaidís dá mbuailfeá ‘An Daingean’ isteach – tú a threorú go Co. Uibh Fháilí? Dála an scéil, ní chreidim go mbeidh rath ar an aistriúchán seo de satnav. Murar féidir an fhocal a ghiorrú go focal chomh simplí le ’satnav’ ní bheidh rath air.  Aon tuairimí agaibhse faoi aistriúchán níos fearr? Treoraí Tiomána?

Ar ndóigh ní h-é an teanga an t-aon fadhb ag na satnavs seo – tá fadhb náisiúntachta acu freisin dar le Barra Mac Giolla Dhubh ó Shinn Féin.

Tá dhá réiteach ar an gcéad deacracht – is feidir linn gach ainm a bheith i mBéarla ar mhaithe leis an ’satnav’  nó is féidir linn rá le lucht déanta ’sat nav’ go gcaithfidh siad an leagan Ghaeilge agus an leagan Bhéarla d’ainmneacha sraidbhailte Gaeltachta a chlarú sna bogearraí ón gcéad lá. 

Níl sin ró dheacair, an bhfuil?   Agus nuair atá sin déanta is féidir leis an Rialtas rialachán úr a reachtú. Go mbeadh sat nav ‘dhá theangach’ i ngach gluaistean sa tír.

Reiteodh sin fadhbanna muintir an Daingin/Dingle in aon preab amháin. 

Ar chúis éigean cuireann an clampar go léir an dráma clúiteach le Brian Friel i gcuimhne dhom.  ’Aistriúcháin’ – Translations.    Chonac ar an ardán é i mBéal Féirste roinnt blian ó shin nuair a léirigh Aisling Ghéar é.  Sar léiriú, sár dhramadóirí.   Tá sé fógartha anois go bhfuil Gabriel Byrne le bheith ina éarlamh ar an gcomhlacht.  Sin ‘coup’ deas!